Peynîya şerê derbekan kombîyayîşê MGKî de tavsîyeya îlanê OHALî vejîya û peynî zî Heyetê Wezaran OHALo bi 3 aşmî îlan kerd. Azaya Heyetê Rayberîya ÇHDî ya Îzmîrî Berrîn Esîn Kaya îlanê OHALî û çarçiweya îlanê OHALî Birnameyê Hukmê Qanûnî ser o qise kerdî.
Cayo ke nîzam bibo de OHALî rê hewcedarî nêbeno
Berrîn Esîn Kaya dîyar kerd ke OHAL kam şert û mercan de bêro îlan kerdiş, Mekaqanûnê 1980’î bi hera ameyo vatiş û wina vat: “Eke rewşa ke zey afeto gird, nêweşîya çorr, krîzê ekonomîk û gefa dijî akîbetê dewlete de bibo, no demî OHAL yeno îlankerdiş. Şewa 15’ê temmuze hewldayîşê derbe ame kerdiş la hewldayîş ame têkberdiş û çarçiweya ci zî bi hezaran fermandar, lejker, polîs, karmend û sivîl ameyî tepiştiş. Hukimatê AKP û Erdogan vatî ke nîzamê pêroyî ameyo çareserkerdiş, bi hezaran kesî hema zî bi nameyê demokrasîya nobedî meydanan de yî, no ser zî OHALo ke heq û azadîya merdîman asteng keno ra ganî çinêbî.”
Rayîrê dadgehe
Îzmîrî Berrîn Esîn Kaya destnîşan kerd ke nika hukimatê AKP qanûnî ke vejeno dijî Makeqanûnê derbe yê 80’î ra hîna dijwar o û wina dewam kerd: “Çarçiweya Birnameyê Hukmê Qanûnî polîs û lejkeran ra selahîyetêka zaf bi hera yeno dayîş, bi no zî heqê cewherî yê merdimî xopawitiş werte ra yeno hawanayîş, komele, sendîka, weqif, dibistan û zanîngehan bi bira dadgehe yenî qefelnayîş û mal û milkê nê sazîyan hazîne ra bêro dewrkerdiş. Heqê nê birê hukimatî rayîrê dadgehe zî qefelnayo. Ganî no ser zî ganî OHAL û çarçiweya OHALî zî Birnameyê Hukmê Qanûnî ameyî vetiş bêrî hawanayîş.”
JINHA/ÎZMÎR