Li bajarên Almanya Waiblingen û Esslingenê xebatên çandî berdewam dikin. Li  Waiblingenê ku gelek Kurd lê dijîn saziya girêdayî şaredariya bajêr a bi navê Înternasyonale Familien Treffen ku jinên Kurd jî di nav de cîh digirin mohra xwe li gelek xebat û projeyên girîng xistiye. Heta niha ku li navenda mala Burger Aksiyonê, xebatên xwe yê weke folklor, kursên sazê, dersên çanda Elevîtiyê û hwd. hatin meşandin. Bi vê mebestê ji bo zarokên Kurd ê li heremê dijîn bi şaredariya bajêr û rayadarên dibistanê re ketin têkiliyê ji bo zarokên Kurd daxwaza perwerda zimanê Kurdî kirin. Daxwaza wan piştî ji aliyê şaredarî û rayadarên dibistanê ve bi erênî hate pejirandin û ji bo perwerdeya zimanê Kurdî li heman bajarî li navenda Realschule ev wekî dû miha ye ji aliyê mamoste Abdurrahman Karataş ve bi tevlîbûna 15 şagirtên temenê wan ji şeş salî hetanî bigihe yazdeh saliyê kursa zimanê Kurdî, her hefte roja înê saet ji 15.00 hetanî 17.00 an bê navber berdewam dike.


Li Esslingenê hewldan didomin
Li bajarê Esslingenê jî hewldanên ji bo perwerdeya bi zimanê Kurdî berdewam dikin. Bi heman mebestê ji aliyê rêveberiya Komeleya Dostaniya Kurd û Almana a Esslingenê serî li şaredarî û saziya têkildar a Perwerdê hate lêxistin û di wî warî de gelek hevdîtin hatin kirin. Lê mixabin heta niha ji aliyê rayadarên têkildar ve tû bersivên erênî ji bo perwerda zimanê Kurdî bi awayekî fermî di nav dibistanan de were dayîn, nehatiye dayin. Lê belê rêveberiya Komeleyê bi alîkariya malbatan li navenda Komeleya Dostaniya Kurd û Almana a Esslingenê kursa zimanê Kurdî dane dest pê kirin. Ev kurs jî mamoste Abdurrahman Karataş ve bi tevlibûna 15 şagirtên temenê wan ji heft salî ye hetanî deh salî her hefte roja şemiyê di navbera saet 11.00 û 13.00 an de tê dayin. Hevseroka Komele yê Gulcan Aras bang li malbatan kir û wiha got; “Ji bo perwerdeya zimanê Kurdî li dibistanan de were dayîn wekî rêveberiya Komale yê hewldan û xebatên me berdewam dikin. Em hêvî dikin ji gelê xwe, di vî warîde xwedî hestiyarbin û bi mere bi kevin têkilayî û her wiha zarokê xwe bişînin kursa ku tê dayin.” 

STUTTGART