Şanda KODAR’ê bi serpereştiya Hevserokên KODAR’ê Fuad Bêrîtan û Zîlan Tanya serdana Navenda Komele- Rêxistina Kurdistana Hîzbî Komunîst a Îranê kirin û avakirina eniyek demokratîk nîqaş kirin. Şanda KODAR’ê ji aliyê şanda Komele ya bi serpereştiya Sekreterê Giştî yê Komele Îbrahîm Elîzade ve hat pêşwazî kirin.
Herdû alî rewşa siyasî ya herêmê, bi taybet ya Rojhilatê Kurdistanê nîqaş kirin. Her wiha di serdanê de aliyan balkişandin ser pêşketina metirsiyên hişmendiya şovenîzim ya li herêmê û ragihandin ku pêşketina wê xetê li ser berjewendiyên gelên herêmê xalek metirsîdare.
Di serdanê de hat gotin ku pêwîste gelê Kurd li her çar parçeyên Kurdistanê, li hember hişmendiya şovenîzmê, ew derfeta ku derdikeve sud jê werbigrin û destnîşan kirin ku wê ev bi navê pêkanîna eniyek çep û demokrasîxwazî û dijî faşîzmê pêkwere.
Di dewamiya serdanê de karên hevbeş yên herdû aliyan mijarek din ya serdanê bû û bang li hemû aliyên din yên Rojhilatê Kurdistanê kirin ku hewldanên xwe ji bo yekîtî û yek dengiyê bixin holê.
Di dawiya serdanê de ji aliyan bibîrxistin ku ewê ji bo vala derxistina siyasetên Rejîma Îranê, peywendiyên xwe bihêztir bikin.
SILÊMANÎ