Di bedewamiya daxuyaniyê de hat diyar kirin ku ev roj ji aliyê kurdan ve wek roja reş tê şermezarkirin. Di daxuyaniyê de wiha hate gotin: “Di 9'ê Çileyê 2013’an de li Parîsê 3 stêrkên berxwedanê, tekoşerên kurd  Sakîne Cansiz, Fîdan Doḡan û Leyla Şaylemez hatin qetilkirin. Ji destpêka dîroka Kurdan heya îro li hemberî gelê kurd, tevgera kurd û rêberên wan qirkirinên hovane berdewamin. Komkujiya Parîsê jî parçeyek ji vê ye. Komkujiya  Parîsê salek li pey xwe hişt, lê heya îro jî kujêr nehatine eşkerekirin. Lê gor gelê kurd kujêr eşkerene. Weke gotina Parêzer Antoine Comte, hemû lêkolîn Tirkiyê îşaret dikin. Lê dewletên Fransa û Almanya jî sûcdarin.”


Rola Fransa û Almanya
YEK-KOM’ê da zanîn ku ne tenê li Kurdistan, li bajarên Ewropayê di serî de jin, gelê kurd li dijî hêzên kujer dengê xwe bilind dikin û got: “ Ev saleke ku Jinên Kurd her Çarşemê li kolanan çalakiyan li dardixînin û edaletê dixwazin. Şermezarkirina herî mezin di 11’ê Çileyê 2014’an de Parisê tê li darxistin. Em bang hemû gelê Kurd û dostên Kurdan dikin  tevlî şermezarkirina Komkujîya Parîsê bibin. Di serî de jî divê jinên Kurd bi beşdarbûnek xurt li dijî vê komkujiya hovane dengê xwe bilind bikin û Jiyanek Azad de israr bikin! Di daxuyaniyê de bang li her kesî hate kirin ku 11'ê Çile li Parîsê bin û bang ronîkirina vê komkujiyê bikin.

DUSELDORF