Çavkaniyên herêmî ragiyandin di encama operasyona hêj didome gelek kuştî û birîndarên komên çekdar hene, her wiha wesayîtek komên çekdar hatiye ruxandin. Li gorî agahiyên hatine bidestxistin îro saet di 04.00’an hêzên YPG’ê li dijî du baragehên komên çekar ên DAIŞ’ê yên li gundên Mişrafa û Tiwêmiyê çalakî lidar xist. Hate zanîn ku di encama çalakiyê de gelek kuştî û birîndarên komên çekdar hene, her wiha wesayîtek hatiye ruxandin. Dema nûçeya me dihate amadekirin agahiyên derbarê encamên operasyona YPG’ê de ne hatibûn aşekere kirin.


Li Meerîn 5 çete hatin kuştin
Li gundê Meerîn ê girêdayî Ezazê di encama çalakiya yekîneyek YPG’ê de 5 endamên çeteyan hatin kuştin. Li gorî agahiyên ji çavkaniyên YPG’ê hatine girtin, yekîneyek YPG’ê li gundê Meerîn ê girêdayî Ezazê li dijî komên Dewleta Îslamî ya Iraq û Şam (DAIŞ) çalakiyek lidar xist. Çavkaniyan diyar kirin ku di encama çalakiyê de 5 çete hatine kuştin. Çavkaniyan her wiha diyar kirin ku hêzên YPG’ê navendên ku ev 2 roj in herêma Efrînê topbaran dikin jî kirine hedef û bi tangan topbaran kirine. Hate ragihandin ku pevçûnên li herêma gundê Qestel Cindo û Meerîn cih bi cih didomin.
Li aliyê din li Dêrikê cenazeyê endama hêzên Asayişa Dêrikê Heyat Hisên ku di endcama qezayekê  de jiyana xwe jidest dabû, ji aliyê hezaran kesî ve bi siloganên ‘‘Şehîd namirin” hate definkirin.

SERÊKANIYÊ/EFRÎN