Jiyan hîna 23 serraya xo de bî şehîd kewt û cenazeyê ay ra malbatê ay peynîya 3 aşmî resa. Cenazeyê ay zey embazê xo bîn, goristano bêkesan ra ame vetiş û Goristanê Yenîkoyî de ame defînkerdiş.
Perwerdeyê tirkperestî
Dayîka Jiyan Yilmaze, Kezban Yilmaz cuya kênaya xo ser qise kerd. Kezban Yilmaz aşkera kerd ke bi sayeya kênaya xo serî ci tîk a û çimkî kênaya ci rayîro bi rûmet de şehîd kewta û wina vat: “Jiyan perwerdeyê tirkperestî nêvînayîşî ser o nêşî wendegehî. Kênaya min wendegeh de zaf bi xebatkar bî la nêwaştînî şîra wendegehî. Demo ke şî lîse, wendegeh de mamoteyê ay a yew faşîst estbî û her tim no mamosteyê xo reyde nîqaş kerdînî. Jiyan her tim embazê xo ra vatî ke a beşdarê refê gerîla biba. Demo ke şî zanîngehî min ra aşkera vat la min qebul nêkerd. Min ra vat; dayê demo ke ez cilê gerîla ser xo bikera, no demî ti do min reyde heşm hîs bikera. Xora peynî zî şî û xoverdayîşê Sûrî de şehîd kewt û ez heme şehîdan vîr anena.”
Dûştê zilmî de bêveng nêmend
Ata Jiyane, Zeynep Yilmaz ciresna ke Jiyan her tim waştînî beşdarê refê PKKe biba û wina vat: “Ma her tim no waştişê ci ra asteng bîyî. Bolu de zanîngeh qezenc kerd û oca de her tim beşdarê xebatê ciwanann bî û rojêk ma hesîya ke beşdarê refê gerîla bîya. A roje ra nika nêmusa ke se bî?” Zeynep Yilmaz wina va: “Waştişê xo kerd, dijî zilmê dewlete bêveng nêmend û nêzdîbîyayîşêko bi rûmet nîşan da. Heskerdoxê Jiyane zaf bî, çi heyf ke dewlet şî a defînê goristano bêkesan kerd, dewlete bizana ke kesî ke na doze bipawî, bêwayîr nîyî.”
Ziwano bîn nêwaştînî
Zeynep Yilmaz zî destnîşan kerd ke Jiyan, nameyê xo yew gerîla ra girewtbî û no ser zî zaf bi kêfweş bî û wina dewam kerd: “Jiyan her tim dijî polîtîkayê asîmîlasyonî bertekdar bî, her tim cigêrayîş kerdînî. Vatî; ma çira bi ziwanê xo nêeşkenî qise bikerî û ma çira her tim ziwano bîn reyde qise kenî. Zey Jiyan, kesî ke azadî û heqîqet gêrenî, tena nîyî. Bi mîlyonan merdimî înan ra wayîr vejenî. Dewlet wa bêra biewna Jiyan tena nîya.”
AYSEL IŞIK/JINHA/AMED