A semed ra lazimo weş û çoşa cey zêdebo. Hem namê Amedî hem zî hêvî Amed ra estê. Çimê temamê dostan zî yê heme neyaran zî Amedî seroyo. Mitîng senin vêren. Organîze baş bêro kerdiş. No warde temamê sazîyê Amedî wayir tecrubanê. Sazîy zefê heme organîzê ewnayinan de ca gen û peyvira xo ca anê.
Badê mitîng roja diyin weçînayişo. Lazimo heme şarê wayir rayêko. Peyvir (wezîf)a yewin rayê xo bişuxulno. Yanî şêro raya xo berzo. Badê raye eştişî ro sandiq wayir vejyo. Heme kes êşken ro sandiq wayir vejyo raşt. La yê bişkê bi gor zagonê weçînayiş mudaxele bikerê- îtîraz bikerê yê sandiq ser peyvirdar-wezîfedarê. Yê wezîfedar zî lazim belgêy yine destê yine debo. Nê belgey verê roja sandiq yenê hedre kerdiş. Yê peyvirdar belge destê yinede kam gav hewce biker mudaxele êşken bikerê lazim bikerê zî.
Hend wext bi hend emek û cefa xebata weçînayiş amew kerdiş roja weçînayiş wayir nêvejyê heme bereday şino. Xebata ma bena xebate “golal”.
Xebatêka weş heya ewro amewa kerdiş , go nê rojê mende de zî bêro kerdiş. La serê heme xebate wayir vecyayiş ê sandiqano. Encamê weçînayişî sandiqera yeno girewtiş. Bi ronayişê sandiqera, raye eştişra, akerdişê sandiq û mardişê rayan. A herî girînge zî mardişê rayan. Netîcê mardiş ra hadre kerdişê belgan. Yê belge benê hadre lazim kam verpers bo ya belge dest xo fîno. La belge lazim bi mor û îmza bo. Morê lijneyê sandiq û îmza verpersê sandiq. Sere de zî îmza başkanê sandiqe. Belga bê mor û bê îmza derbasdar niya. Ti nêşkenê bi belga bê mor îtîraz bikerê. Senin nêşken belga bê mor û îmza derbasdar nêbena.
Heta ewro weş vêrawo. Xebate zî amewa kerdiş. La merdim bi waz mehsul biger lazim ewro ra dim herî zêde bi baldarî bixebetyim. Bi aqil bixebetyim. Vatişê verînan; vanê roja areyî areyîy raya. Ma zî roja miting û roja weçînayiş karê xo bi ca biyarim e. Roja pancê menge roja mîtîngîyo lazim ma heqê cey bidime. La roja hewtê menge zî xebate ma no çend mengîyo kenê fînalê temamê xebatano. Pirêze a roja eysen.
Kam wazen weçînayiş bi serkewte derbas bibo, na erdnîgarîye ser demoqrasî, mafê merdiman biserkewo hewtê meng firsetêko. Ma nê firsetî ver çimande bigerime. Tay rojî rojê bînanra teberê. Êşken qederê taye çiyan bibedelnê. Weçînayişê hewtê menga Hezîran yê di hezar û pancêsine zî rojêka ewnaya. Zey qemçik (dûv) a masiya bifetelyo henî fetelyen. Merdim nêşken biqefeln.
Hem 5 ê meng roja miting hem zî hewtê meng roja weçînayiş rojê dîrokîyê. Ma xo vîr-ra nêker. Ma bi dil û can bixebetyim. Tenê bi dil û can nê. Lazim ma bi aqil bixebetyim. Vatişê verînan;”kayê Osmanliyan zahfê”(osmanlida oyun çok). A semedra marê xebata bi zanayiş lazim a. Lazimo ma nêvajim ;” la ka aqil”.