Xora no kultirî domanîy ke heya serranê 90’î cuyayî zanenî. Wexto ke ma wirdîlek bî seyî grubeyanê 10 an zî 20 tenan ma kom bîynê û keyeyanê dewan yew bi yew ma gêraynê.


Cenîyê bi rike bîy

Wexto ke domanan keyeyan gêraynê zî, ma dirûşmeya “Kakîndos para min meşru lu goz” vatênê û bi no hawa semeda ke wayîrê keyeyan rê xelat waştî. Aye çax semeda ke seyî eyro derfet çinêbî, xelat zî seyî bastêx, şeker, sucux, kesme, vamîy, gozîy û sewbîna çî rê ameynê dayîş. Zaf caran de aye çax de cenîyê ke bi rike bîy û ma înan seyî cadî name kerdênê vecîyaynê şibakan ra ya awe domanan sero kerdênê, an zî domanan ra cirgîyaynê.  Domanan zî hemverê înan her tim bi vatişê ‘sere malê binê malê pîr qurbana kalê’ tay hemleyan kerdênê.

Hunermendê Kurd Serhat Çîçek zî kanşopîya kurdan Kakîndos ser deyrek viraşt û no deyrê zî bi singilî kerd albumek. Çîçek deyrê Kakîndos ser vat ke fikre ardişê Kakîndos û muzîkî ya hetê yewbînan de, manaya ke vecîyeno werte no yo; no kultir heta nika nêvecyabi teber nîyameynê zanayîş. 

Çîçek wina vat: “Armancê ma zî no bi ke ma na kultira bidîy sinasnayîş. Yanê domanê ke aye çax de cuyayî, qe nêbo ma nêy domanan rê dîrok de raywanî bidî kerdiş. Ma no semed ra Kakîndos û muzîkî ard têhet, dekerd mîyanê deyran. Xora ma no kar zî bi nêy gruba domanî ke min qala înan kerd û raşteya dewî de ma viraşt. Semeda hetê vînayîşê de zî bêro dîyîş, ma do yew klîbe zî kaş bikerî. Kakîndos hema hema her hetê Kurdistanî de yeno firazkerdiş. Beno ke hetê her hetan ra bi yew nameyî nêro namekerdiş zî la her hetê Kurdistanî de esto. Finak tay hetanê Kurdistanîz de seyî Pejk yeno namekerdiş. La eyro rojê ma de çîyo hawa çin o.”


Êdî nîno firazkerdiş

Çîçek dîyar kerd ke mana û muhîmîya xo eyro vindî kerdo, eyro dinyaya modern ke cîran bi xo nêşono roşanê cîranê bîn firaz nêkeno de, ardişê Kakîndos û muzîkî hetê yewbînan yeno manaya raywanîkerdişê dîrokî û wina dewam kerd: “Yanî dekerdişê Kakîndos ya mîyanê deyran aye kêfweşîya veren vecino werte û heman demî de no semeda famkerdişê şarî ya kultirî zî zaf muhîm o. Hetê no muhîmî de germîya merdiman ya aye çax zî kirişeno roja ma ya eyroyên. Hîskerdişê aye germî ya hetê domananê eyroyên xeylê muhîm o.”

Çîçek ciresna ke Kakîndos faalîyeteko ke sereyê serrî de yeno firazkerdiş o, bi 20-25 domanan yeno viraştiş. Xora wexto ke yeno viraştiş zî domanîy cilanê heremî xoradanîy. Ma zî eyro wexto ke no kultirî ganî kene heman awayî cilanê aye çaxî ya ke dirateyî xoradanîy û no hawa virazenîy.  

Çîçek destnîşan kerd ke projeyê ma ya nika ra pey no yo; yew eserê înan a ke bi nameyê ‘ay Licêm’ esto û no eser zî serranê 90’î ya Licêyî ano ziwan, yanî serranê 90’î ke Licêyî de aye veşnayîş, xirabkerdiş û qirkerdişêy ke ameyo kerdiş ano ziwan. Çîçek vat ke yanî projeyek inasarên o, bi no projeyî aye şarêy ke bi veşnayîş, xirabkerdiş ameyo koçkerdiş ê gênîy dest û ê bi no hawa nînan kenîy babeta projeyî, ê semeda na projeyî zî do klîbek kaşbikerîy û zaf hetanê Licêyî ke bîyo babetê veşayîşî hetê vînayîş de ê do bikerîy babeta na klîbî. 


 NAVENDA XEBERAN