Nê AKP’yîyan de, ar û namûs çîno. Nê AKP’yîyan de, şerm û şeqiznayîş çîno. Nê AKP’yîyan de, rî nêmendo.

Nê AKP’yîyan de, bi name însanîyet çîyêk zî nêmendo.

Nê AKP’yî sey vîrusê. Sey vîrusê kewtî mîyanê Alema Îslamê û fesadî kerd û nika Alema Îslam kewta têmîyan. Bira bira kişeno. Vano,” Allahû Ekber.”

Serkeşîyê pêronê nê xirabîyan AKP kena, la reyna vana ez paka û ez paka.

AKP, çeteyên BOKO HARAM, DAÎŞ, El Nusra, Lîwa Tevhîd, Ahrari Şam û ayê bînan rêxistin kena. Înan rê çek û sîlahan şirawena.  Înan rê seyî sîlahan şirawena,  belgeyê bi vengê şîwermendê Erdoxanî yê bi name Mehmet Varank eşkera bibi.  Ça de teror û kiştiş esto, uca de giştê AKP estî. AKP hem serokçeteyî û hem zî çetetî kena. La Ehmed Dawidoxlîyê dewşîrme wirzeno û vano, “Selahaddîn Demîrtaş çeteyo. HDP çeteyê terora”

Baw û kalanê ma vato ya, “Keçelo nameyê  mi nameyê  to, kelawa  mi sereyê to!” 

Yane çîyo ke AKP de esto, AKP kena milê ayê bînan. Qusûr, qusûrê AKP’yo.  La AKP, qusûrê xo erzana ser HDP. Wazena hina xo pak vejo. AKP keçela, keçelê xo nimnena, la HDP ra vana, ti keçela. AKP, hem çetetî kena, hem zî weyî kena, rêxistin kena û wayîrê çeteyan vejîyena. HDP ra vana, ti çeteyê. 

AKP karheramî kena, la HDP ra vana karheram. 

AKP’yî  qey hukimranî û meqam û desthilatdarî yewbîn kişenê. Batman de yewbîn kişt. Çewlîg de qey namzedî yewe AKP’yî xo kişt. Reyna AKP, qey hukimranîyê xo Agirî de di gerîla û yew welatparêze Kurd û Kurdîstanê kişt.  AKP ser sucî  ame girewtiş.  Qet û qet şerm nêkena, vana, “PKK hêrîşê eskerê ma kerdo.” 

AKP, dînê Îslam qey hukimranî û silwerîyê dana şuxulnayîş, seba ke dizdîya xo rewa bido nîşandayîş, pê Hayrettîn Kahraman fetva vejena.  Ver çimê dinyayê nê çîyan kena. Şerma nêkena, ser dînê Îslam fek erzena HDP.

AKP, tut û domanê Kurd Nîhat Kazanhan, Bariş Kurt, Xezal Onkol û Mehmet Uytun înan kişena. Vana, PKK hina hina kerdo. 

AKP û AKP’yîyê sey  Egemen Baxiş  înan, yarîyê xo dînê Îslamî ra kenî vanî “bakara makara”.  Sebatayîstê sey Ehmed Dawidoxlî vano, HDP hina hina kena.

Heme çîyê xirabîn, dizdî, kiştişî, bêexlaqî û dişmenîyê dînê Îslam yê AKP meydan de yo. Dinya temaşakena. 

R.Tayîp Erdoxan û Ehmed Dawidoxlî vanî ne, ma rastê.  Vanî, ma ser ra yewe biexlaq û biedalet çîno.

AKP vana herhal yew neşkena cewabê mi bido. AKP, hina kena, la tena xo xapînena.  

HDP, yew bi yew sextekarî, bêexlaqî û bêedaletîya AKP, vejena werti û dana rîyê AKP ra.

Îdrîs Baluken weş cewabê AKP da. Va, “Behsê çetetî bibo, o çete zî AKP’ya.AKP, çeteyê dizdîya.”   

Şarê Kurd weçînayîşê 7’ê Hezîrane de yew cewabê weş bido çeteyê AKP.