Tim û tim kurdî vanê ha yewîyê şarê kurdî  ha yewîye şarê kurdî. Gera pêronê rêxistine kurdî yewî bivirazenê. Wa PKK û PDK (KDP) yewîyê şarê kurdî saz bikerenê. Çunke PKK û PDK partî yê gird yê şarê kurdîyê. Teberî ra hina aseno û hina yeno qalkerdiş. La raştî hina nîya. Raştîra PDK yewîyê şarê kurdî wazena, yan zî nêwazena, mesela esasî naya.

Pêronê partîyê Kurdistan’î, awankerdişa Kongreya Netewî yê Kurdistanî wazenê. Tena yew partî qebûl nêkena. A partî zî PDK ya. Yew bewno çapemenîya PDK, na raştî rind yena dîyayîş. Çapemenîya PDK, raşte raşt hetkariya dagîrkeran kena. Hetê AKP-TC gêna. Dişmenîya şarê kurdî kena. Çend nimûne hinayî estî.  Dewleta Tirk û hikûmeta ci ya AKP ya dagirker û neyar, Cizîra Botan de însanê ma gane gane veşnayî.La  sîteya fermî yê PDK, KDP.info de Kurmancî hina hayî (xeber) viraştibî. “PKK ji Cizîrê hat derxistin. (PKK Cizîr ra ameya vetiş).

http://www.kdp.info/a/d.aspx?s=040000&l=16&a=88837. Gore na hayîyê kdp.info, AKP û dewleta tirkî wayîre Kurdistan  a. La Kurd û PKK dagirkerî yê. Hayîya dîyin yê kdp.info zî hinaya. “Serokê Komela Îslamî yê Kurdîstan’î Elî Bapîr ser neyartîya PKK berxodariya xo Tirkîye kerd.”

Îdarekarê Polîtburoya Komela Îslamî Hesen Ba Bekîr yew roportaj da Firat News (ANF) û va, “Elî Bapîr derheqê PKK de çîyêk hina nêvato. Şarê ma yê Bakurê Kurdistan, şarekê mazlum o. PKK zî têkoşîneke rewa dana. Kam na hayî viraşt, karê lîşin keno. Nîyetê înan xirab o.”

Hayîya hîrêyin yê kdp.info:

Mişewîre Polîtburoya Hîzba Demokrat ê Kurdistan’î Huseyn Medenî: “PKK bela ya.” Nê hayî tena çend hebî nimûneyî. Hema hema pêronê hayî û xeberê PDK ser neyartîyê PKK yê. PDK, şero ke bajarê Bakurê Kurdistan’î de yeno ramitiş, hetê AKP û dewleta tirkî de ca gena.  KDP, heta nika ser yew neyarê şarê kurdî yew qisey nêkerdo. Çapemenîye xo de yew nuştiş nênuşto.  La şew û roj neyartîya PKK kenî. Kam dişmenê şarê kurdî yo înan ra eleqê xo virazena. Partîyeke hina bikero, a partî ra seba yewîyê şarê kurdî peameyîşêk yeno viraştiş? Ney.

Seba rêxistinê sey KDP Pîr Şalyarî 1200 serrî verê cû hina vato. “Luye bi luye ra, şêr bi şêrî ra, verg bi vergî ra, her bi herî ra ciwîyeno;  Kurd! Çi ameyo serê şima ke şima vila bîyê û şima nîyenî pêser.”  Wa şarê kurd KDP ra pers bikero, çi ameyo serê to ke ti hetê şarê kurdî nêgenê, ti hetê neyaran genê.