Heme hemwelatijê nê welat î. Sebi? Çira hende gonî rijyena? Kamco wijdan naye qebûl keno? Çar serran ra rêk no welatî de bi goreyê zagonê nê welatî weçînayiş virazyeno.
No weçînayiş de kamco partî panc sey û pancas wekîlan ra di sey û hewtay û şeş wekîlan, yan zî zêdêrî bigîro, a partî hukimatî awan kena. Hesab no bi. A partî zî partiya AKP wa. Weçînayişê hewtê hezîranî de ewna nêbi. Hesabêko ame kerdiş ewna nêvecya. Bende bibî.
Semed na bende wedarê xebatêk nêyame kerdiş. Senîn bo ma heta ewro feyda cay dîyo. Ewro zî ma do feyde bivînim. Go tewr zêde hîrê partî bikewî meclis. Ma zî bîbî wayirê 276 zêdêrî wekîlan. Ma do rayna bi gorê zerê xo estorânê xo biçêrînim.
La wextê ame vînayiş çar partî bende viyarnenê, hêrişê buroyanê HDPe ame kerdiş. Êrîşê teşkîlatanê heme caye ame kerdiş. Hêrişê mitîngan ame kerdiş. Feyde nêda. Bade hewtê hezîranî na ray ma weçînayiş newe ra virazîm.
La ma sekerim bikerim zêdêrî 276 wekîlan bigerime. A roce ewro roc na erdnîgarî sero gonî rijyena, gonî rijnenê. Sera 1925 ra heta ewro na polîtîka ramitê. Bi na polîtîkaye bibayê xo ega bibayê. A roje ra heta ewro yena vatiş netew dewlet nê! A roje ra heta ewro no welatî de waştişê mafê netewan, ol û mezheban esto. A roje ra heta ewro çiyêko kemîyo demokrasî yo. Lazim o na erdnîgarî ser demokrasî zîl bido. A roje ra heta ewro gonî rijyena.
Nê hemwelatijan rehetî nêdî. Sera 2012’ê de diyalogê OCALANî dir amey viraştiş. Newroza 2013’î de Amed de bi vengdayişê birêz OCALANî gonî rijnayiş ameyo vindarnayiş. La heştê Hezîranî ra heta ewro rayna hêzê dewletî bi teyareyê şerî, bi helîkopteran, bi tanq û topan nê koyan sero bombe varnenî. Dewan vêşnenê, daristanan vêşnenê.
Rihberêko nê cayan de cuyenê pêro vêşyenê. Verpersî qet şerm û fedî nêkenê televizyonan de vanê ma di hezarî gêrîlayî koyan û maxaran de bêtesîr kerdê, kiştê.
Şarê nê erdnîgarîye vînen rocêka zerê qeza û şaristananê Kurdistanî de şarê sivîl nêro kiştiş, çinyo. No kiştiş zî bi destê polîsan yeno kerdiş. Hema rojo dişeme û sêşeme çar merdimi qezaya Amedî Bismilî de amey qetilkerdiş. Heşt rojî vecyayîşê teber û kolanan qedexe kerd û dima zî qezaya Cizîre de 21 merdimî amey qetilkerdiş.
Bi na rijnayişê gonî heta ewro dinya de demokrasî nênişta ro. Yinêko gonî rijnawa an biye musebîbê rijnayişê gonî, mîyanê gonîya rijnawa de do bifetesyê. Temamê dinyaye de biyê quçê neletî. Ewro heme rocan û serran zêdêrî yeno vînayiş yeno vatiş ke no şer şerê “qesrî” yo. Ma dij şerê qesrî bivecyim e. Cuyayiş, la cuyayişêko bi rûmet!
Nesîp GULTEKÎN