Meclisa Tenduristiyê, Heyva Sor a Kurd û Komeleya Buhar Li navçeya Cindrêsa Efrînê û li herêma Kobanê kampaniyaya aşlekirina zarokan a li dijî nexweşiya felca zarokan destpê kir. Meclisa Tendurisityê ya Navçeya Cindrêsê bi vê armancê ji bijîşk û xebatkarên tenduristiyê re civînek lidar xist û plansaziya kampaniyayê amade kir. Endamê Komîteya Tenduristiyê Şaban Mistefa da zanîn ku ewê kampaniyaya aşlekirinê li seranserî navçeyên Efrînê pêk bînin.

Li herêma Kobanê jî kampaniya aşlekirina zarokên yek rojî heta 5 salî dest pê kir, kampaniya ji aliyê Meclisa Tendursitî a Kobanê roja 6`ê çile li gundên Rojhilantê Kobanê destpê kir. Endamê Meclisa Tenduristiyê Hikmet Ehmed da zanîn ku derziyên aşlekirinê ji rêxistina Unicef a Netewyên Yekbûyî gihiştine destên wan û ewê piştî gundên herêmê li bajêr jî kampaniyaya aşlekirinê bidin destpêkirin. Li aliyekî din Meclisa Tenduristiyê ya bajarê Kobanê li dibistanên bajêr geriya û rewşa tenduristî a zarokan şopand. Komîteya ku 3 bijîşkên pispor pêk tê li 3 dibistanên bajêr geriya û rewşa tenduristî a zarokên dibistanan kontrol kir, komîteyê li hinek zarokên nexweş derman belav kir.

EFRINKOBANÊ