Hunermenda kurd Tara Resul bajarê Helepçeyî yê Kurdistanê Başûrî de ameya dinya la Qirkerdişê Helepçeyî ra pey koçê Swêdî kerda û 20 serrê ke Swêd de cuyena. Tara Resul welidyayişê xo ra hetanî nika çimanê ay nêvînenî. Swêd de kampanyayê zerrîdarî ke seba Vîrûsê Koronayî yenî organîzekerdişî yê hemin ra ardim kena. Babete ser o Tara Resul wina vana: “Bi destpêkerdişê janê Vîrûsê Koronayî partîya min, Partîya Demokrate ya Sosyalî endamê xo ra waşte ke wa heme endamê ma, kesê feqîrî ra hetkarî bidê. Taybetî merdimê extîyar seba ke nêeşkenî bivejê teber, no ser zî debara înan nêbena, ma zî hetkarîya nê kesan kenê. Seba hetkarîyê ma, Wezîra Karanê Teberî Ann Lînde telefonê min kerd û min ra spasîya xo ard ziwan. Ma tikey behsê Kurdistanî zî kerd. Min ra vat peynîya janî, ez û to, ma do pîya Kurdistan ziyaret bikê û min ra vat ez dosta kurdan a.” MERKEZÊ XEBERAN