Qezaya Çewlig Kanîreş de roja Şemî seatanê verşan de hetê KJA, DBP û HDP ser Ceddeyê Cûmhûrîyet de damûstayîn amê dayen. Nûmayişa ke tecrîdê ser Ocalanî rê nêrazîbîyen damûsna de panqartê “Tecrîd sûcê merdimatî yo” û “Rayverê xa xeta ma ya sûr o” abîya.
Tarîxê Tirkîye bi derbeyan yeno vîrî
Hemserokê qeza yê HDP Yakûp Baran ke damûstayîn da vist vîrî ke tarîxê Tirkîye bi derbeyan yeno vîrî û aşkere kerd ke badê hewldayenê derbe reyna da bîn ame vînayen ke mekanîzmaya dewlet çi qe talokeyî ya. Baran vist vîrî ke hikûmeta AKP serva quwetînkerdişê faşîzmê Erdoganî partîyanê herbî kirêşena xo het, dûştê şarê kurd herb akena û bi seyan welatijan gêna bin çim.
“Ocalan xeta sûr yê kurdan o”
Hemserokê qeza Yakûp Baranî aşkere kerd ke serva dîktatorîya jew merdimî OHAL vistî dewre û hina va: “Badê hewldayenê derbe Rayverê Şarê Kurd Ocalanî ra xeber nîna girewten. 19 reyî serpirodayişê waştişê pêdiyayinî yê malbat û pawitoxan ame red kerden.” Baranî bi behaneyanê kêfî redkerdişê serpirodayişanê pêdiyayinî rê nêrazîbîyen damûsna û qiseyanê xo bi no îqazî qedîna: “Ocalan xeta sûr yê şarê kurd o. Heta ke temînatê demokrasî û haştî Birêz Ocalanî ra xeber bîro giroten, zey şarê Kanîreş ma dê meydanan de bê.” Badê aşkerekerdişa çapemenî nûmayiş qedîya.
DÎHA/ÇEWLIG