Endamê Konseyê Rayverîn ê KCK’î Mustafa Karasû qandê weçînayinê 7’ê hezîrani, şaranê Kurdistan û Tirkiye ê Ewrupa ra wast şirê rayanê xo bidê HDP. Karasu vat ki, 7’ê hezîran firsedê girdo û coka lazimînê ci bêariyê ca.
Endamê Konseyê Rayverîn ê KCK’î Mustafa Karasû muhîmînê weçînayinê 7’ê hezîrani ser qisey kerd.
Karasû vist vîrî ki qandê weçînayinê 7’ê hezîrani, Ewrupa de raydayin dest kerdo ci û qandê rayanê xo bidê, veng da şaranê Kurdistan û Tirkiye.
Karasu ard ziwan ki, ê zey hereketê azadiyê Kurdistanî, wazenê quwetê demokrasî weçînayinê 7’ê hezîran de bi ser bikewê û wina vat: “Ma emel kenê, êşê şaranê ma û quwetanê demokrasî anto, şenê bi weçînayinê 7”ê hezîran hesab pers bikirê. Şarê ma şenê bi rayanê demokratîka Tirkiye demokratîk bikirê û meseleya kurd çareser bikirê. Qandê nay rolê gird kewno milê şaranê ma ê Ewrupa jî ser. “
Karasu damûsnayin ki azadiyê Tirkiye, bi azadiyê şarê kurd mumkuno û vat: “Coka lazimo enê weçînayinê 7’ê hezîranî de HDP bi ser bikewo.”
Karasu HDP zey partiya banê şaranê Kurdistan û Tirkiye hesibinê û vat: “Ewrupa de raydayinî dest kerdo ci. Gerek şarê ma ê Ewrupa, rayanê xo bidê HDP. Heta xo teniya raydayina sînor mekirê. Eynî wext de çoşmanê xo jî bifînê miyanê hereketî. Dost, cîran û silasnayanê xo jî berê raydayin.Sernî de Almanya, heme cayê Ewrupa de, hetanî 31’ê gulan heme îmkananê xo seferber bikirê. Ez emel kena, eki şarê ma ê Ewrupa seferber bibê, iyê bişê serkewtinê HDP de rolê gird kay bikirê.”
ANF/BEHDÎNAN