Tirkîya hetê heqê karkeran de apey menda. Karkerî her roje bi şert û mercanê xebatan ver mirenî. Endeksê Mîyanneteweyî zî nawneno ma ke nê tespîtê ma çiqas raşt o. Tirkîya de erj û heq nêdîyeno karkeran. Seba ke rewşe baş bibo zî çîyêk nîno kerdiş.Babete ser o Mudirê Wêşanê Pêroyîn yê Kovara Komel û Xebate Av. Dr. Murat Ozverîyî qisey kerd.
Ozverîyî destpêka qiseykerdişê xo de sebebê mergê karkeran bi polîtîkayê hukmatî ra girê da û wina va: “Îqtîdarê ke 12ê êlule ra dima ameyî gure ser polîtîkaya ‘bi malîyetêko tay, karêko zêde’ esas gênî. Eke merdim goreyê nê polîtîkayan şêro, aye wext qetilkerdişê karkeran zêde beno. Tirkîya de her roje 3 karkerî benê qurbanê qezayê karî. Tirkîya de weşîya karî û pawitişê karkeran çin î. Almanya de serra 1950 ra nata yew karkerê madenî daxî nêmerdo.”
Ozverîyî qiseykerdîşê xo de dîyar kerd ke Tirkîya de serra 2013 de 50 hezarî ra zêde qezayê karî virazîyayî, labelê SGKyî na hûmare niminena û wina va: “Dewlete şîrketan rê bena kefîl. Eke dewlete karkeranê xo zaf fikirîyena wa fonê tazmînatê qidemî bido karkeran.
ENQERA