15ê Teşrîna peyêne roja ke Seyîd Riza û embazê ci ameyî îdamkerdiş o. Emser serrgêra 80. ya Îdambîyayîşê Seyîd Riza û embazanê ci bî. Babete ser o Koma Komelê Kurdistanî (KCK) îzehetêko nuştekî da.
KCKyî mesajê xo de serra 80. ya îdambîyayîşê Seyîd Riza û embazanê ci de dagîrkerîye şermizar kerdo û mesajê KCKyî wina dewam kerdo: “Îdambîyayîşê Seyîd Riza û embazanê ci netîceyê polîtîkayanê dagîrkerîye de bîyo. Waştî rayberanê dêrsimijan îdam bikerî û bi no hawa Dêrsim qetlîyam ra derbaz bikerî. Polîtîkayê ke dima ra ameyî bicaardiş, heme zî seba qirkerdişî ameyî kerdiş. Xoverdayîşê Seyîd Riza û şarê Dêrsimî vera qirkerdişî de vindetiş o. Polîtîkayê dagîrkerîye şarê Dêrsimî mecbûr verdayî ke xover bidî. No serewedaritiş nîyo, xoverdayîş o.”
KCKyî mesajê xo de wina vato: Dewlete verê ra xo seba qetlîyamî amade kerdbî. Planê Şark Islahatî herçiqas ke heme Kurdistanî hedef girewtêne zî, zafaneyê ci Dêrsim û Rojawanê Feratî hedef girewtêne. Cok ra raporê Dêrsimî ameyî amadekerdiş. Qirkerdişo ke Dêrsim û Kurdistan de yeno bicaardiş 100 serrî yo ke dewam keno. Labelê polîtîkaya qirkerdişî de israr kenî. Seba cewab bîyayîşê Seyîd Riza û embazanê ci, ganî ma têkoşînê xo berz bikerî û wayîrê vîrardişanê înan bivejyî. Ma na çarçewa de veng danî şarê xo ke wa têkoşînê xo berz bikerî û cuya demokratîke û azade qezenç bikerî.”
ANF/ BEHDÎNAN