Çerkezkoyê Tekîrdagî de fabrîkaya Tekstîlî yê Boyn Çorabî de 300 karkerî yenê xebetnayîş. Hakan Gurseso ke 7 serrî verê dest bi xebata tekstîlî kerdbî, temsîlkarî û endamtîya xo ya BATÎSî ver 19ê nîsane de gureyê xo ra ame eştiş. Gursesî seba protestokerdişî 26ê nîsane ra nata çalakî de yo. Babete ser o Endam û Temsîlkarê Sendîkaya Karkerê Tekstîlî yê Xoserî (BATÎS) Hakan Gursesî qisey kerd.
Gursesî Boyn çorabî rê doze akerd û wina va: “Ez faalîyetê xo yê sendîka ver ameya eştiş. Ez weçînayîş de bi 300 reyan bîya temsîlkar. Weçînayîş ra dima derheqê mi de vatî; goşdarîya amîranê xo nêkeno û vera gureyê karmendan de beno asteng. Heta ke netîce nêgîra, ez do çalakîya xo rê dewam bikerî.”
Gursesî tewr peynî de va: “Embazê min gure ra ameyî eştiş. Patronî veng da mi û mi ra waşt ke çîyê ke tîya de bîy, ez ti kesî ra nêvaja. La mi qebul nêkerd û ez gure ra ameya eştiş.”
DÎHABER/STENBOL