ICOMOS bi raporekê radighîne ku pisporên cîhanî herî dawî li paytexta Qeterê  Dohayê civiyane û li ser 32 şunwarên navçeyê lêkolîn kirine û şopandine, lê lijneyê di dawî de biryar da ku Keleha Hewlêrê nexe nav rêzbenda rêxistinê. Evna jî ji ber wê rapora ku Lijneya Hewlêrê bo şûnwarên Keleha Hewlêrê amade kiribû, kêmasî têde hene û ji gelek aliyan ve pisporan jê fam nekiriye ji ber ferq û cudahî têde hene.

Li gorî  heman rapora konseyê, çêkirina Bazara Niştimanî li nêzîkê kelehê û têkdana deriyê başûr ê kelehê, du sedemên negatîf in ku keleh nekeve nav lîsteya şûnwarên cîhanî. Herwiha biryara çêkirina mûzexaneyê jî li bakurê kelehê wek karekî xelet hatiye destnîşankirin. Di heman demê de derxistina xelkê ji nav kelehê jî wek şaşî tê dîtin, ji ber Keleha Hewlêrê kevintirîn şûnwarê dîrokî ye û berdewam jiyan têde hebûye.
Lê Lijneya Bilind a Nûjenkirina Keleha Hewlêrê, vê rapora Konseya Navneteweyî ya Bîrdarî û Sîteyan red dike û dibêje UNESCO´yê biryar daye ku Keleha Hewlêrê bixe nav lîsteya şûnwarên qedîm ên cîhanî. Roja 15 heta 26’ê Hezîranê li Dohayê civîna UNESCO´yê tê lidarxistin û biryara dawî tê dayîn. Ji xeynî Keleha Hewlêrê gelek cihên din jî di rêzbendê de hene ku dê biryar li ser bê dayîn ka bikevin nav şûnwarên cîhanî yan na. 

HEWLÊR