Demîrtaş ke Ataşehîr de Komeleya Kultur yê Pîr Sûltan Abdal û Cemxane de raştê eleqeyê gird ame damûsayîn da û hayr ant Roceyê Muharremî ser. Demîrtaşî va di mesajê Kerbela seba însanîyetî estê û wina behs kerd: “Ya verên, şert û mercî, zext û zorvajî çiqe giran bê wa bibê, artêşê Yezîdî çi qe gird bo wa bibo Hasan û Huseyînî çok nêda ro. Kerbela de Hasan û Huseyîn nê, Yezîdî vinî kerd. Ya diyîn zî, şertî, zext û zorvajî çi qe girdî bê zî tim û tim rayê dîyalogî akerde viraday.”
Hemserokê HDP Selahattîn Demîrtaşî vist vîrî ke yê mesaja Kerbela nîgirewtî, Roceyê Muharremî ra kî tewa fam nîkerê. Demîrtaşî ’rîwalo ke serokwezîr Bînalî Yildirimî werdişê Roceyê Muharremî betal kerd’ va, ‘maseyê Yezîdî de Roceyê Muharremî nîabeno.
DÎHA / STENBOL