Di zanîngeha Ege ya Îzmîre de seba hêrişkerdişê koma faşîstî ser di mîyanê wendekaran de lej vejîyaybî, peynîya no lejî hewna koma faşîst çek, satir û kardan reyde destpê hêriş kerdbî, no ser zî lej hîna gird bibî. Di mîyanê lejê wendekaran de koma faşîstî ra nijadperest Firat Çakiroglu merdbî, peynî zî endamê na koma faşîst di Bornovaya Îzmîre de destpê kontrolê kamîye kerdbî la çi bal bibe ke qet nê faşîstan polîsê AKP mudaxale nêkerdî, hetta înan reyde têgerîyaynî.
Refleksê nijatperest
Bi nêzdîbîyîşê rayverîya zanîngehe û polîsê AKPe esil rîyê nê dorûveran vejîya meydanî, di zanîngeha Egeye de hema zî qerqîzyayiş domyeno. Babete ser hemserekê HDPa Îzmîre Cavît Ugurlu vat ke Îzmîr tena şaristanê tirkan nîyo, eynî demî Îzmîr şaristanî kurdan o. Ugurlu ciresna seba ke hukûmata AKP di Îzmîre de trendî HDPe vîna, no ser di zanîngeha Egeye de nê qewimyayişan organîze kerd. Ugurlu wina vat: “Verê qewimyayişan karkerê ewlehîyê tespît kerdî û xeberê Mudirîya Emnîyetî ya Îzmîre dayî la belê Mudirîya Emnîyetî ya Îzmîre zî qet di na babete de yew vergirewtiş nêgirewto. Eke dema ke çend cenî û wendekar biwazî di zanîngehe de çalakî bivirazî, no demî bi hezaran polîsê AKP hêrişê cenî û wendekaran kenî la ma vînenî ke zey ke polîsê AKP waştî nê qewimyayişan gird bibî, no ser têgerîyayî.”
Pêkewtiş wezanî
Ugurlu îzher kerd ke çi balo ke Firat Çakiroglu ra polîsê AKP destûr nêdanî ke kes mudaxaleyê weşî bikero, no ser zî Çakiroglu mireno, na rewş zî mojneno ke hukûmata AKP waşto nê qewimyayiş hîna gird bibo. Çakiroglu îzeh kerd ke armancê hukûmata AKPe di Îzmîre de vetişê pêkewtişê ya MHP û HDP o la AKP bizano ke nê partîya înan nê zî şarê kurd planê leyminî yê AKPî ra yenî. Çakiroglu ciresna ke ê her kesî ra vengê sukûnetî danî û her kes wa wezîfeyê xo bikerî.
Ziwanê çapemeniyê
Ugurlu wina peynî kerd: “Çi heyfo ke demê peynî çapemenîyê tirk qewimyayişan şaş û zûr şarê Tirkîyaye ra mojnenî. Eke no nêzdîbîyîşê çapemenîyê tirk dewam bikero do şarê Tirkîyaye di mîyanê xo de ciya bibî. Hukûmata AKPe zî hêdî hêdî dîktatorî ra şona. Ma qet dîktatorîya AKPe ra destûr nêdî. No ser zî ma ciwanan ra vernîyaz kenî ke qet kayê AKPe ra nîrê. Heme nê averşîyîşan kayê AKPe, AKP vîna verba paketa ewlehîyê heme partîyan verba vindertî, no ser zî AKP wazena bi nê kayan rojdemê Tirkîyaye bibedilno, AKP bi lezî fek nê kayê xo leymin ra fek verabido. Ma zî çi serê ma bikewo do ma bikerî.”
Koma nijatperestan
Hewna babete ser serekê ÎHDa Îzmîre Gurbet Uçar zî aşkera kerd ke di zanîngeha Egeye de koma faşîst bi kard, satir û çekan wendakareke di verê standî de vinderte bîyê, hêrişê nê wendekaran kerdî. Uçar ciresna ke merdim cigêrayiş keno û vîneno ke na koma faşîst ona bi lezî nêameyo xeqlbîyîş, na koma faşîst bi hiî ameya xuliqkerdiş. Uçar îzeh kerd ke çi heyfo ke peynîya nê qewimyayiş di zaf hûmarîy de zaf kesî birîndar bîyê û yew kesî zî merdo û peynîya nê qewimyayişan ser înternetî taybetê ban û endamê HDPe hedef yenî nawnayiş.
DÎHA/ÎZMÎR