Kerra kerraye ser, sereyî...

Xeberdayişê cê yê kombîyayîşê gruba meclîse de ya televîzyonan de amey goştarîkerdiş. No vengdayişê qetlîamê ko... Ya zî mêjîyê tenkîlî hende aşkera yeno virêcnayiş. Tenkîl çîyo? Pêroyin têydir werte ra wedaritiş o. Qetlîamê civakî yo. Kerra kerraye ser, sere sereyî ser de nêverdayiş o. 1938 Dêrsim, na erdnîgarî de mînaka henî nêşina merdimahî vîrî ra mêjîyê tenkîlî yê dewlete ya. 

Demirelî semed na hedîseya menga sibate ya 1991’î de ewna vatbi: “1938’de Dêrsim de çiyê ecêbî bîyê.” Îhsan Sebrî Çaglayangîl o wext mudirê emnîyete bi, ê zî ewna xeberî da bi: “Şarê Dêrsimî dekewtîbî zerê maxaran. Artêş gaza bi jehr xebetna, fekê berê maxaran de.. Zey merdim dermanê jehrî berz meran ewna kerd. Hewt ra heta hewtay yê kurdê Dêrsimî sere birnay, qetil kerdî”. Muhsîn Batur Paşa wezîfeya xo ya Dêrsimî de ewna van: “Elezîz ra pirê weta, kenarê Xarpûtî de artêş rê çadiran ra ca viraşt. Artêş çadiran de mend. Badê mudêk cayê vindertişê ma yo yewin Pertek bo ma dekewtî ray e. O ma di mengî zêdêrî peywîra xusûsî kerde”. “Wendoxanê xo ra lêborînê xo wazena ez nêşkena çiyê amey kerdişî gereykerî. Cuya min yê ey rojan ra ez remena”. 

Dêrsim de ’38 de bi temamî operasyonê tenkîlî bî. 2010 de RTEyî ewna vat: “Dêrsim de 50 hezarî kes amebî qetilkerdiş 1938 de...” Dêrsim de “kerra ser kerraye de, sere sereyî sere de nêverdayiş bi.” No mêjiya tenkîlî eyro roje de rayna rewşê virêcnayişî de yo. Çi heyf ke ewna yo. Beyntarê hende serrî vîyartî ra zî, Cizîr zî, Sûr zî zey Dêrsimî go bêro gereykerdiş û çi heyf ke nê dejê ke danê antiş go xodir e henî dejê girdan, giranan biyarê, an zî bibê zemîn dejê girdan rê.No aqlê dewlete senîn aql o ke, 1923’î ra heta ewro biyo sebebê 29 serewedaritişan zî la heta ewro na pirsgirêke rê çarêk nêdiyo. 

Huqûq kerdo bine lîngan, Susurluk, Ergenekon dawo viraştiş, bi hezaran faîlî meçhûlî daye kerdiş, la bi nê kerdişê xo biyo sedemê 29 îsyanan na pirsgirêk 1923 ra nat çareser nêkerda. No aqlê dewlet senin aql o ke, carna derbey kerdê, demokrasî kerdo bine lingan. Biyo sedemê kiştişê şeştî hezar merdimanê xo. Hema zî çareserî namlûyê çekan de vîneno.