Goreyê cigêrayişê Komela Tibî ya Amerîkanî, kesê ke nêweşîya Koronayî ra weş benê, gunê înan seba dermanê Vîrûsê Koronayî yêro ceribnayiş. No metod Nêweşxaneyê Shenzhenê Çînî de 5 nêweşê Koronayî ser o ame ceribnayiş.
Pisporan seba ke netîceyêko baş bigê, têkoşîn danê. Bi sînor zî bibo netîceyê baş ameyê girewtiş û gunê kesê ke weş bîyê, gunê înan neqlê nêweşê Koronayî ra demêko yeno kerdiş, seba weşbîyayişî hîna weş netîce dano. Rayedarê Newyorkî aşkera dayê ke ê zî do no metodî biceribnê. Çarçiweya nê metodî, mabenê emrê 36 û 73î kesê ra 10 rojê neqlê gunî ame kerdiş. Peynîya neqlê gunî, germîya laşê nêweşan asîya xo ra resaya û kesê bi zehmetî cîf girewtinê rewşa înan zî weş bîya. Peynîya nê metodî, nêweşan ameyê taburcukerdiş la pisporan vanê ke ganî nêweşan binê kontrolî de bimanê.
Dermankerdişî bi sînor de veradayê
Ûnîversîteya Emoryî ra 2 pispor Dr. John Roback û Dr. Jeannette Guarner miqaleyêk weşan kerd û miqala de seba ceribnayişî wina vatê: “Metodê ceribnaye ser o weş ameyo xebitnayiş labelê bi sînor ameyo veradayiş. No metod tena 5 kesê de şuxilnayiş do netîceyêko raşt nêdo.” MERKEZÊ XEBERAN