20'ê Hezîran de herêma dewa Fîs ya Licê de, wesayîta zirxî ya kobra yê polîs pakewte sivîlan ro û 5 welatijan qetil kerd. Netîceyê tehqîqato ke serdozgerê Komare ya Licê akerd ke, şoforê wesayîta zirxî N.U. bi şertê “qontrolê edlî” serbest ame veradayen. Raporê tehqîqatî de zî şoforê wesayîta sivîlan Fîkrî Demîrbaş ke bîyayîş de weşîya xo kerd vinî zey sucdar ame vînayen.
Şoforê wesayîta zirxî N.U. îfadeyê xo de îdia kerd ke wextê bîyayîşî de de kameraya kule nêakerdeyî bî. 4 polîsê ke eynî wesayîtî de bî û zey "muştekî" îfade day cendirmeyan, derheqê qeza de îfadeyê zeypê day û aşkere kerdî ke ê kesî ra gerrekar nîyê.
O ke merd bi ‘Sûcdar’
Rapora cendirmeyan ya bi sernuşteyê “zabitnameyê tespîtkerdişê qeza” de şoforê wesayîta sivîlan Fîkrî Demîrbaş “dereceyê yewiye de zey qusurdar” ame damûsnayîş. Şoforê wesayîta zirxî N.U. zî rîwalo ke bi lez wesayît ramito û goreyê qaîdeyanê trafîkî hereket nêkerdo, “dereceyê diyîn de biqûr” ame vînayîş.
Pawitoxanê malbatî serpirodayîşê serdozgerê Komare ya Licê day û rapora ke cendirmeyan amade kerd rê îtîraz kerd. Pawitoxan day zanayîş ke zabitname teberê raştîyan ameyo amadekerdiş û polîsan senî waşto se, wina ameyo amadekerdiş û nayî zey pawitişê polîsan qebul kerd. Pawitoxan waştî ke tehqîqat bîro hera kerdiş.
No babên de wextê operasyonî de pêro pîya 8 kesî bi wesayîtanê zirxinan ameyî qetilkerdiş û zaf kesî zî bî dirbetin. Herzewbîn jû serra peynî de nezdîye 30 welatijî bi no şiklî amey qetilkerdiş.
AMED