Bi destpêka şerê AKPe de her ke şono hûmara redkarê wijdanî zêdîyena, taybetî qaçaxê lejker û kesî ke lejkerî ra remayî redê wijdanê xo dîyar kenî. 2010’ê ra nika bi hezaran kesî redê wijdanê xo Tirkîya de aşkera kerdî û mîyanê înan de zaf hûmarî de cenî zî estî. Bi destpêka konseptê şerî yê AKPe zî peynîya aşma çeleyî de 115 kesî redê wijdanê xo îzah kerdî.
Babete ser o hemserekê Komeleya Redê Wijdanî Gokhan Soysal vat ke bi destpêka şerî, zaf hûmarî de kesî lejkerî ra fîrar kerdî û hetê na rewşe kesî ke redê wijdanê xo aşkera kenî zêdîyayî û wina vat: “Peynîya aşma çeleyî de 115 kesî redê wijdanê xo aşkera kerdî, bi destpêka şerî kesî ke lejkerî ra fîrar kerdî û hûmara înan zêdîyaya û na rewşe zî do Meclîsî ra dayîşê bi persnameyî dîyar bibo. Ez veng dana heme ciwanan parçeyê no şerî nêbî û redê wijdanê xo zî aşkera bikerî.”
Îradeya xo dîyar bikî
Hemserekê Komeleya Redê Wijdanî Sosyal dîyar kerd ke wa çew aşkeraya redê wijdanî ra nêters o, çimkî no heq hetê Dadgeha Heqê Merdiman a Ewropa zî ameyo şinasnayîş û wina dewam kerd: “Nika zîndanê Tirkîya de keso ke îlanê redê wijdanî kerdo çin o. Tirkîya de domanan ra hîna emrê şenikî de dijberî şerî vindertiş zey çikêko rind yeno nîşandayîş la ona çik çin o. Keso ke redê wijanê xo aşkera bikero, tena keso ke ey ra hes nêkeno heqê ci de bi îdiaya ‘şarî lejkerî ra serkerdiş’ doz bêro akerdiş, ma zî xora nê tarz dozan qezenc kenî.”
Sosyal bal ant lejkerî de mergê bi şik ser o û dîyar kerd ke eke her kes redê wijdanê xo aşkera bikerdînî do no demî lejkerî de mergê bi şik zî nêbîynî.
DÎHA/STENBOL