Bi wesîleya Roşanê Qurbanan kesê ke Vakurê Sûrîye de cuyenî, nimajê serê sibayî ra dima şehîdgehî zîyaret kerdî û vilikî ronayî mezelanê şehîdan ser. Welatîyî kantonê Qamişlo, Hesekê, Girê Sipî, Kobanê de şehîdgehî zîyaret kerdî. Kesê ke herêma Cizîr û Fratî de cuyenî, şerwanê YPG-YPJ û HSDyî, endamê Hêzê Asayîşî, selahîyetdarê Îdareyê Xoserîya Demokratîke beşdar bîyî.
Welatîyan posterê şehîdan kiriştî û vilikî ronayî mezelan ser. Endamê Meclîsê Keyeyê Şehîdan şîyî kesê ke ameyî zîyaretê mezelan ser vera. Kesê ke Kantonê Qamişlo de cuyenî serê sibayî Şehîdgehê Şehîd Xebat, Şehîdgehê Şehîd Dilşer, Şehîdgehê Şehîd Îsmaîlî, Şehîdgehê Delîl Sarûxan zîyaret kerdî. Tayê keyeyan mezelan ser o Quren wend.
Selahîyetdarî Hesekê de zî şehîdgehî zîyaret kerdî. Hêzê Xopawitişî û YPG û YPJ bi merasîmê leşkerî şîyî zîyaretê şehîdgehan û vilikî ronayî mezelan ser o. Mezelan ser o roşanê keyeyê şehîdan ame pîroz kerdene. Qiseykerdişan de ame dîyar kerdene ke heme qezencî saya şehîdan de ameyî dest vistene. Kantonê Girê Sipî de zî şehîdgehî zîyaret kerdî. Kesê ke ameyî zîyaret, şîranîye dayî yewbînan. Keyeyê şehîdî Kobanê de zî şehîdgehan zîyaret kerdî. Şar mezelan ser o roşanê yewbînan pîroz kerdî.
ANHA / QAMIŞLO