Qezaya Çelê ya Colemêrgî de cenetêka nimite û tarîxêko kehen esta. La no tarîxo kehen û weş beno qurbanê polîtîkayanê dewlete. Keyeyê 500 serreyî, qeleya Çelê ke wayîrê tarîxêko 700 serrî ya, dolabê awe yê ke bi mêrdîwanê kerrayinan ameyî viraştiş, medrese û Koyê Şînê yê Çelê vera zilmê dewlete de xover danî.
32 dewê Çelê ‘99 de hetê dewlete ra ameyî vengkerdiş
Keyeyê tarîxî yê Çelê Peymana Anqara ya 1926î de daxilê sînorê Tirkîya bîbî. Nê keyeyanê tarîxîyan de 4 demserrî yenê cuyayîş. Çelê 1953î de sey qeza ameya îlankerdiş. Her çiqas ke qeza biba zî tarîx ra nata her wext bîya hedefê hêrişanê dewletan. Çelê her tim koç daya, la koç nêgirewta. 32 dewê Çelê estî û serra 1999 de hetê dewleta tirk ra ameyî vengkerdiş. Kerrayê Kişî û Gej viraştişê xo ra 100 serrî dima benê kerra. Cok ra betonê nikayîn ra saxlemêr î.
Babete ser o çelêyijî qisey kerdî.
Çelêyîjî wina vatî: “Cayê tarîxîyan bi zanayîş nînî viraştiş. Eke dewlete xo tîya ra bianca, ma eşkenê xo bi xo îdare bikerî. Eke dewlete ra nêbo do Çelê do biba cenet. Çelê her hetê xo ra dewlemend a. Dewlete tersena ke ma cayê tarîxî restore bikerî. La se beno wa bibo cayê tarîxîyî vera dewlete de xover danî. Omidê ma esto.”
ANF/COLEMÊRG