Hepsîyo sîyasî Ramîn Hisên Penahî ke hetê rejîmê Îranî ra cezaya îdamî dîyaya ci, beno ke her vîste bêro îdam kerdene. Çend rojî verê hêzê Îranî hewl daybî Penahîyî seba îdamî bîşêrî, labelê hepsîyê bînî xover daybî û Penahî nêdaybî.
Dayîke û pîyê Penahîyî vera îdamî de kampanya dayî dest pêkerdene. Pîyê Penahîyî Ramîn Xalo Mîrza û dayîka ci Şerîfe medyaya komelkî ser o fotografêk pare kerdî û dîyar kerdî ke înan vera îdamî de kampanya daya dest pêkerdene. Fotograf de dayîke û pîyî pankarta ke ser o ‘Îdam rê nê’ ameyo nuştene akerdî û waştî ke wa rejîmê Îranî qerarê îdamî bivindarno. Ramîn Xalo Mîrzayî dîyar kerd ke ganî ma vera qerarê îdamî yê rejîmê Îranî de bivinderî.
ROJNEWS / SILÊMANÎ