Rejîmê Baasî wexto ke îqtîdar de bi, destûr nêdayêne ke şar qewimîyayîşanê dinya bimuso. Labelê şar reyna zî bi rayîranê cîya-cîyayan fîlm, xebere û sewbîna averşîyayîşanê dinya taqîb kerdêne. Kerkûko ke bi serran tede temaşekerdişê fîlman qedexe bi de bi nameyê Mihemed Nerîmanî de kesêk seba ke kulturê sînemayî bêro awankerdene, dest bi xebate kerda.
Seba ke Kerkûk de sînema çin o, Mihemedî sînema ardo keyeyê xo û bi makîneyêka kehene, keye û embazanê xo reyde fîlman temaşe keno. Mihemed vano ‘mi 1975 de makîneyêka kehene herînaye’ û wina domneno: “1980 de mi dest bi nawitişê fîlman kerd. Kasetê ke mi herînayî, êdî bazaran de çin î. Seba ke nê kasetî teber ra yenî, zaf vay î. Ma grûbêka embazan hâletê sînemayî arê dayî û ma pawenî.”
Mihemed dewamê qiseykerdişê xo de wina vano: “Ez sînema ra zaf hes kena. Seba ke ez karê sînemayî kena, zaf reyan ameya tewqîfkerdene. 1987 de seba ke mi waşt ez fîlm temaşe bikera, tewqîf bîya. 94 de wexto ke ez şîyêne Sînemayê Etlesî, ez Bexda de tewqîf bîya. Sînema mi de ruhêko cîya awan keno.”
ROJNEWS / KERKÛK