7ê Êlule de qezayanê Nisêbîn û Mehsertî yê Mêrdînî de mabênê gerîla û leşkeranê dewleta Tirkî de pêrodayîşê şîddetinî qewimîyayî. Ame vatene ke cenazeya endamê HPGyî Halîl Erdemî hetê keyeyê ci ra ameya girewtene. Cenaze Nisêbîn de Goristanê Yenî Mohrîs de ameye definkerdene. Ame musayene ke keyeyê Erdemî wexto ke şîyî morgo ke cenazeya 3 kesan tede esta, ewja de hetê qoricî û polîsanê tîmê taybetinan ra ameyî derbkerdene. Wextê derbkerdişî de qoricî û polîsan keyeyî ra vato ‘leşanê xo bigîrê, şima wenî se kenî bikerê’. 5 endamanê keyeyî dîyar kerd ke ê seba teşhîskerdişê cenazeya xo şîyî morg. Wexto ke endamê keyeyî kewtî zere, hetê polîsê ke newe operasyon ra agêrayî û qoricîyan ra ameyî derbkerdene. Endamê keyeyî badê ke hetê qoricîyan ra hedef ameyî nîşandayene, hetê polîsanê tîmê taybetinan ra ameyî derbkerdene. Endamanê keyeyî dîyar kerd ke ê 5 saetî dêsî ver de ameyî vindarnayene û raştê îşkenceyî ameyî. Heto bîn de ame musayene ke 2 endamê HPGyî ke 22ê Tebaxe de şehîd bîyî, cenazeyê înan qezaya Artûklû ya Mêrdînî de Goristanê Bêkesan de ameyî definkerdene. JINNEWS / MÊRDÎN