METÎN YOKSÛ / MA / ÊLIH
Êlih de bi virazîyayîşê Barajê Ilisû hewl dîyeno Heskîfo ke 12 hezar serrî tarîxê ci esto, bêro çinkerdene. Virazîyayîşê Barajî ver karê kiriştişî dewam keno. Heta nika çend awanîyê tarîxî ameyî kiriştene, nika zî mezelê ke ewja de yî kirişîyenî.
Baraj ver mezelê ke Serê Pirê de yî kirişîyenî. Ame musayene ke heta nika 500 mezelî kirişîyayî û mezelê bêkesan û keyeyê ke muracat nêkerê, mezelê înan nêrî kiriştene. Wextê kirişîyayîşê mezelan de vîstê hîsinî yenî cuyayene. Nezahat Yilmaze zî kirişîyayÎşê mezelê xo taqîb kena û wina vana: “Destûr nêda ke merdeyê ma huzirî mîyan de tîya de rakewî. Dayîke û yayka ma wayê yewbînan bîy. Ma nêwaşt înan yewbînan ra cîya bikerî. Ê 50 serrî nê erdan de cuyayî. Her ke kepçeyî dayêne mezelî ro, zerrîya mi veşaye. Heskîf de huzûr nêmend..”