8ê Kanûne roja 2. yê konferansî de bi nameyê ‘demê çarekerden de waştenê şaranê tirkiye’ panel viraziya.
Hemseroka DBP Emîne Ayna, parlamenterê HDP Garo Paylan û Alîcan Onlu, hemşaredarê Dersim, temsîlkarê sazgehanê sivîl ra piya xeylê kes tewr bî. Panel bi gulbang destci kerd.
Omidê weşiya azad
Hemşaredara Dersim Nûrhayat Altûn qiseyê akerden kerd û hayr ant hewcedariya haşitî ser. Altûn va, omidê tewr gird yê hometî cuwyayişê bi azad û haşitîyane yo. Altûn ard ziwan ke îye de tekoşînê haşitî û heskerdena azadî ra fek nêviradê û niya dewam kerd: Kilîtê Dersim, ke veriya serran vindî bi, endî destê ma de ro. Ebi no kilîtî ma de, çêberê haşitî û serbestî akerê.
Dewlet do ronişo mase
Hemseroka DBP Emîne Ayna kî vist vîrî ke, yê ke herbî danê destcikerdin dewletiyê. Rîwale ke serdestiya xo hera bikerî, nayî kenê. Bi zihnîyeta niyayî haşitî û çarekerdin nîbeno. Ayna aşkere kerd ke, dewlet do peyniya peynî de ronişo maseyê muzakere.
Ayna hayr ant ablûqa û êrişanê polîsan yê verra Sûr ser û niya qisey kerd: Gencî hetê komara tirkiye yenê kişten. Yê ke wazenê serdestiya xo ferz bikerê, zey raybaz şîdet şixulnenê. Ayna aşkere kerd ke, gune ma damûsnê ke, serdestî, nêşkenê serdestiya xo ser ma de ferz bikerê. No kî ebi xoverdayiş mumkin o.
Çarçoveyê konferansî de, vizêr roja 3. de seweta-serva muxetabanê demê çarekerdin mektûb rusiya.
DÎHA/DERSIM