AKP îqaz kerdî
Şirnex û qezayanê ci Îdil, Cizîr û Sîlopya de vizêr serva serbestiya Ocalan’î nûmayişî viraziyay.
Şirnexijan bi nûmayiş manîkerdişê pêdiyayinanê Îmrali ke 5ê Nîsan ra heta na het û tecrîdê verra Ocalan protesto kerdî. Bi hezaran welatijî vejyay meydanan û serbestiya Ocalan qîr kerdî. Nûmayiş de hikûmeta AKP rîwalê polîtîkayê şaş yê verra Ocalan amê îqaz kerdin.
Nûmayişê Mayanê Meclîsê Haşitî yê Stenbol, no hefte zî dewam kerd. Mayî, semedê wedarnayişê tecrîdê ser Rayverê Şarê Kurd Abdullah Ocalan, her hefte verê Seray-qesra Dolmabahçe de nûmayişê roniştiş-ruweniştişî virazenê. Dayikan hefteyê 4. de zî rexmê manîkerdişê polîsan çalakiyê xo viraştî.
Paşt bidê haşitî
Dayikan ra, Guler Bugday qisey kerd û verra polîsan nêrazîbiyen damûsna. Bugday serva ronayişê haşitî, venga tekoşîna piyayî da. Herzewbîn pêrokîn dayikan ra waşt ke serva-semedê haşitî paşt bidê.
May Guler Bugday hayr ant rolê Rayverê Şarê Kurd Abdullah Ocalan’î ser û va: Kilîtê haştî destê Ocalan’î de yo.
Guler şarê Kurd ra waşt ke, hin jêde-vêşî wayrê Rayverê xo bivejyê û wina va: Roj roja keye de roniştişî niya, semedê vernî guretişê lejî, gune-gerek ma -piya-piyerê yo-jû bê û wahar heqê xo bivecî. No zî pê-bi xoverdayiş û tekoşîn beno.
Sêrtijî meydanan de bî
Sêrt de zî bi waştena hewadayina tecrîd û serbestiya Ocalan eskerakerdişê wertexîn amê dayen. Nûmayişa ke hetê HDP, DBP, KJA û TUHAD-DER viraziya de, bi seyan kesan serbestiya rayverê xo waştî.
Derheqê tecrîdê verra Ocalan’î de, Diyar TUHAD-DER zî 9ê aşmî de damûstayîn da. Damûstayîna ke ver girotxaneyê Tîpê D yê Amed de viraziya de panqarta ‘serbestiya Ocalan, serbestiya Rojhelata Miyanî ya’ abiya. Sermiyanan ra waziya ke, Ocalan desinde serbest virade.
Bruksel û Vîyana de nûmayişî
Welatanê Awrûpa de zî bi waştena serbestiya Ocalan nûmayişî ramenê. Paytexta Awûsturya Vîyana de, azaya komeleya ceniyan Avesta nûmayişê ronişten viraşt û haşr ant tecrîdê verra Ocalan ser. Paytexta Belçîka Bruksel de zî bi waştişê serbestiya Ocalan stand roniya. Standa ke hetê Meclîsê Ceniyan yê Berîtan roniya de, vilavok û buroşurî amey vilakerdin.
Horta ra mesajê muhîm
Heta bîn ra, Serokwezirê verîn ê Tîmorê Rojhelat Jose Ramos Horta ANF rê qisey kerd û waşt ke Ocalan serbest viradiyo.
Serokwezîrê verîn ê Tîmora Rojhilatî û waharê Xelatê Haşitî ê Nobelî, Jose Ramos Horta, derheqê meseleya Kurd û tekoşînê serbestiye de, cewab da persanê ANF.
Horta tekoşînê Kurdan rê rezê xo arde zûn û vat: Şarê Kurd tarîx ra hetûn êr, en zaf raştê zilm amo. Eynî waxte de, şarê Kurd miyanê lejkeranê en jiyatan ê dinya de cayê xo geno.
Ocalan serbest viradê
Horta va, hikumet hurendiyê serbest viradayişê Ocalan’î, tecîrd kerd giran. La Tirkiye de semedê haşitî hama yo şans esto. No zî pê kamiyê Kurdan naskerdena û bingehiyê xorayveriye de beno û va, gerek Ocalan ca de serbest veradiyo û tewrê ey peyidinî virazo.
ANF/DÎHA