Siba roşanê ziwanê Kurdî yo.  Nika ra ser ziwanê Kurdî dazanayîş yenî dayîş. Herkes ser ziwanê qisê keno.

Herkes vano,ziwanê Kurdî hinaw o û ziwanê Kurdî hinaw o.
Ê siba meş zî bîyerenê viraştiş. Ê pêro cayan de vajenê, “ma ziwanê Kurdî de perwerde wazenî”. La bena tayî cayan de, dazanayîş  bi ziwanê Tirkî bîyero dayîş. Eger zê verêcu çend hew bîyo hina bibo seba şarê Kurd beno şermek dubare.
Her serre hina dazanayîş yenî dayîş û meş yenî viraştiş. Şîyarî beno. La dima ra pêro çîyê zê verêcu manenî.
Kirdê ma reyna tutan(domam) xo ra Tirkî qisê kenî. Reyna ciwîyayîşê xo bi giranî pê ziwanê Tirkî dewam kenî.
Sîyasetkarê ma bi giranî Tirkî qisê kenî. Şaredarê ma zî bi giranî pê ziwanê Tirkî qise kenî. Ewqasî şaredarî dest Kirdan de yê, la ma ewnenî mektebê baxçe tutan(qirêş) yew û didi derbas nêbenî.
Yew dersxanê ma yê Kirdkî çîno.
Tabloyê ma hinaw o.
Hina bena gelo?
Ma hina ziwanê xo xelas kenî gelo?
Qet û qet hina nêbeno.
Qet û qet ma hina ziwanê xo xelas nêkenê.
Heta pêronê Kirdan fek ziwanê Tirkî re verenêdenê, xelasiyê ma û ziwanê ma nêbeno.
Gera ma goşê xo bidi Ehmedê Xanî.
Ehmedê Xanî vano.  
“Tasek na awa zelal
Nêdana wepa-hewza- kewserê.
Pêamayîşê Qesra Şîrîn re.
Nêvînena ti feyde.
Badê rojê ma bi tarî.
Merdiş weşo ember de.

Zelal vera da, qilerîn-lîşin-şimit.
Ziwanê Kurdî sey Durê.
Kom kerd  û ard nîzame
Û hina qey peronî cafa ante.
Wa şar nêvajo.
Kurd tenê bê mîratî û bênasîbî”.
Se Ehmedê Xanî vano, hetanê Kird sera se yewîyê xo xurt nêkerenê, heme hetan re wayîrê ziwanê xo nêvejîyenê, ciwîyayîşê xo pêro pê ziwanê xo nêkerene, xelasiya Kirdan zehmeta.
Azadiya Kurdistanê zî zehmeta.
Ey Şarê Kird!
Sey Ehmedê Xanî vato,
“Yewîyî û yewîyî û yewîyî”.
Zê herkes vano û la  nêano ca.
“Kirdkî fikir bikerê.
Kirdkî qise bikerê.
Kirdkî bi nusnê.
Kirdkî bi wenê”.