Midûriyetê perwerde yê Çewlig, bi behaneyê nêbiyayişê muracetî û personelî waştena perwerdeyê bi kirdkî red kerd. Parlamenterê Çewlîg yê HDP Hîşyar Ozsoyî zî bi jû pêşniyazpers babed kirêşt rojdemê meclîsî.
Pêşniyazpers de ina vajiya: Gorê eşkerakerdişê Muduriyê Perwerdî ê Çewlîg; piyerê Çewlîg de, serranê 2015-2016 perwerdî de, nizde 20 hezar wendekaran ra 2 hezar 233 tenûn dersê vijnayin ra Zazakî vijnaya.
‘Kirdkî bin talokeyê çinîbiyayişî de ro
Naya piya, gorê zûnayişê ke, keyeyê wendekaran dayî, no martiş zafiyer muracet estî, la îdarê mektebî, bi sebebê çinyayişê muracad û personelî xelyek zî qowil nêbî. Yo per ra bi seyan mamosteyê ke, Kurdolojî, Edebiyat û Zûnê Kurd ra mezûn bî, tayînê înan nêbena, per bîn ra zî vanî personel çîniyo û waştenê zûnê kirdkî red beno.
Ozsoyî raporê zûnan-ziwanan ê UNESCO arde vîrî û ûna-niya vat: Goreyê raporê UNESCO kirdkî binê telbekê-talokeyê çinîbiyayişî de yo. Zerrê sînorê tirkiye dê zûnê dadî-mayî yê bi mîlyonan welatijan kirdkî yo. Gerek-gune sîstema siyasî û sazîyê perwerde cipersayiş ra biviyerî ra. Welatê ma de, zûnê Çîn rê kontenjanê 3 mamosteyan yeno dayen, la kirdkî rê têyna yo mamoste. Eno şarê ma rê heqareto.
Ozsoyî semedo ke wezîrê perwerde Avcı cewabê ci bido, enê persî kerdî:
- Des serran peyînan de kirdkî û kurmancî rê çend mamosteyî tayîn biyê?
- Piyerê Tirkiye de û bi taybetî zî Çewlîg de çend mamostey bi kirdkî û kurmancî, mamosteyî kenî?
- Piyerê Tirkiye de û bi taybet zî Çewlîg de kirdkî û kurmancî hetê çend kesan ra amê tercix kerdin?
- Piyerê Tirkiye de çend wendekaran rê dersê vijnayin ê Kirdkî û Kurmancî ha diyena?
ANF/ENQERA