Keyeyê Paştdayene yê Dîlek Serîn
Dersim de, mavêna 23-24ê Elûne 1994î de, dewa sûkeka Mirik Gokçek de, malbatanê Işik û Serin ra 7 kesî netîceyê operasyonê eskerî de amey kişten. Zereyê kesê ke amey qetilkerdin de domana 3 serrî Dîlek Serîn zî estbî. Serra 2011î de, hetê belediya Dersim, ser nameyê Dîlek Serîn Keyeyê Paştdayenê Perwerde bî a. Na ca de her serr bi seyan domanê mavêna 4-9 serrî, bi zonê mayî de perwerde vînenê. Herzewbîn kirmanckî ra piya, bi zonê xerîbî de kî dersî yenê dayen. Keyeyê Paştdayenî de perwerde hetê 14 mamosteyan yenê dayen.
‘Zonayiş dayen deyn o’
Mamoste Hayrettîn Işik ke her hefte di seatî dersê zon dano wendekaran, da zonayen ke, seweta ke lehça kurdkî kirmanckî vindî mebo hewl danê. Işik’î vist vîrî ke tarix de sebebê vindîbiyayişê zonan bê wayîrî mendiş û hewldayenê vindîkerdiş yê dewletanê serdest o. Işik’î va, ‘na dema teknolojî de seweta ke zonê ma vindî mebo, ganî ma sûk, keye, bazar hu her ca de bi zonê xo de qisey bikerime û niya dewam kerd: “Ganî kesê ke zonê xo zanê, yê ke nêzanê ra bido musnayen, no jew deyn o. Ma ponc serriyo no xîzmetî danime. Leyê dersanê mektebî de, perwerdeyê kurdkî danime”.
Hayrettîn Işik’î vist vîrî ke, îye hefte de di seatî dersê zonê mayî danê wendekaran û da zonayen ke, bi wendekaran ra piya kovarê ‘Vengê Lek Şerîne’ vejenê. Işik’î diyar kerd ke, wendekarî keye de malbatê xo teşwîqê qiseykerdişê zonî kenê.
Tersî biqedime
Mamoste Işik’î da zonayen ke, Dersim de derheqê zonî de, hona tersê serranê ’80-90î rameno û va ganî endî no ters biqediyo. Işik’î va kesê ke çê xo de kirmanckî qisey kenê, bazar de, teber de tirkî qisey kenê û niya dewam kerd: “Raya qedînayişê ters û dejanê verên bi zonê xo de qisey kerdiş o. Hayrettîn Işik’î veng da herkesî ke zonê xo bipawo û wayir bivejiyo.
DÎHA/DERSIM