Serdar di albuma xo de zey ke kênayişê dîrokî kena. Di albuma xo de terteleyê ra zî ca dona û sirgûnî ra zî ca dona. Ozan Serdar albuma xo ser qise kerd. Serdar aşkera kerd ke hesretîya welatê her tim merdim ra yew hîsê kêmasî dona, çimkî merdim zaneno ke eke axê xo ra ciya bibo, no demî damarê cuyayişê xo ra zî ciya beno û wina vat: “Welatê xo ra ciyabîyîş merdim ra bi raşteyê negatîfî agêreno. Merdim dema ke dorûverî xo ra keseke kirmanckî qise nêkerî nêvîneno no demî merdim, nêeşkeno ziwanê xo qise bikero. Di no axê de bi hezaran eserî amey viraştiş la di teberî welatî ra nêeşkenî nê eseran ra biresî. No zî seba ma hunermenda rewşa ke negatîf o. Îmkanê ma est bike di zaf hûmarîy de eserê ma bixelisnî la belê ma nêxelisna.”
Her welat yew deyîr
Serdar destnîşan kerd ke tewr o tewr peynî eserê Klasîkê Dêrsimî ya 1’ê vet o, na album projeyê ey o yewin o û dewam zî bikero û wina dewam kerd: “Bi aşmana ke ez ser albuma xo xebityena. Kam vejîyeno ser Dêrsimî album vejeno la nêzano ke xorîya Dêrsimî çîyo. Kulturê û zonê Dêrsimî nêzano. Tewr muhîmî bawerîya Dêrsimî nêzano.”
Serdar îzeh kerd ke: “Min zaf waşt ciwanê Dêrsimî, Dêrsimî bidê cuyayiş û heskerdişî. Şarê ma heme ramanê xo bi kirmanckî ya orjînal anenî ziwan la ewro kirmanckî birindarî girewta. Kirmanckî ziwana kez af bi pak, sade û orjînal o. Ziwanê ke kurdî yo. Ez zaf wazena her kes ziwan û kultura Dêrsimî bander bibî. Di albumê de di kurmanckî û 10 zî kirmanckî bi temamî 12 eserê est î.”
ERDOGAN YENER / BERLÎN