Nika şerwanê YPG/YPJ di dewê Kobanê de verba çeteyê DAIŞî têkoşîn danêy. Şerwanê YPJe operasyonê pakkerdişî û 8 Adare Roja Cenîyên Kedkar û Xoverdêr êy Dinyayî ser qise kerdîy. Şerwana YPJe Hevjin Agîr vat ke êdî çeteyê DAIŞî dewê Kobanê fek veradanî û remenêy. Agîr ard ziwan ke taybetê şerwanê cenîyê YPJe çarenuştişê no şerî bedilnayê, bedilyayiş zî hemleya diyine de hîna weş yena vînayiş.
Xoverodayişê geş o
Agîr destnîşan kerd ke ê serkewtbîyîşê YPG/YPJe ra moral gênîy la hetî bînî ra zî embazê xo şehîdî vîr anêy û xemgîn benêy. Ê hêzê xo şehîdan xo ra gênî û 8 Adara heme cenîyan firaz kerd. Hewna şerwana YPGe Arjin Efrîn zî heqê xoverodayişê Kobanê qise kerd û Efrîn verê qise xo 8 Adare cenîyan firaz kerd. Efrîn destnîşan kerd ke peynîya xoverodayişê Kobanêyî de êdî heme dinya hêzê cenîyan ê kurd vîna û wina vat: “Bi ganîbîyîşê cenîye averşîyîşê gird ame cuyayiş, no averşîyîş zî peynîya xoverodayişê Kobanê de asan bî.”Efrîn bal ant ser cînayetê Ozgecan Arslanî û îzeh kerd ke cenîyatê Arslanî ser ê zî zey heme cenîyan xemgîn bîyê û zaf bi hêrs bîyê, cenîyan verba no terteleyê bêveng nêvindertîy û bertekê xo mojnay. Efrîn aşkera kerd ke êdî cenîyan verba no tarz terteleyan de bêveng nêvindenêy û bertekê xo mojnenêy. Ganî cenîyan yewbînanî bipawê û heqê yewbînanî zî bipawê û pergala faşîst ra zî hesab bipersî.Şerwanê YPJe Rojbîn Kobanê zî ciresna ke demo neololîtîk ra nika rayverê komeleye cenîyan kerdî û di Rojawanê de zî rayverê xoverodayişê cenîyan kerdî.
JINHA/KOBANÊ