Wexto ke çeteyên DAÎŞ’ê T.C dest bi hêrîşê Kobanê kerdibî, zafê dişmenanê Kurd govend girewtibi. 

Çiqas dişmenê şarê kurd bibî, vatêne ma destek danî DAÎŞ’ê.

Dewleta Tirk, rayberîyê no dişmenî kerdênê.

Hema hema pêronê înan vatêne ma zî DAÎŞ’ê. 

Xora AKP, hêrîşê Kobanê koordînê kerdênê. 

Erdogan di rey vat:” Kobanê he kewt ha bikewro”.

Bulent Arinç yarîyê xo ser kantonê Rojava kerd û vat: “Çi kanton manton bi ewnêne hale Kobanê. Peynîye katnon hinayo.  Çîyê hina xeyalê vengî”. 

Vizêr ne perey YPG, Bajarê Kobanê de serkewtinê xo beyan kerd, Bulent Arincê verê cû şi,yew Bulent Arincêk bîn ame û va: “Serkewtina Kobanê de barê dewleta Tirk esto. Ma destek dayo xoverdayîşê Kobanê”. 

Însan di rî beno la di rîyê hina heta nika nêameyo dinya.  Pêronê AKP’yîyan hinayê. Xora hêş û mezgê AKP hinaya.

AKP, bi destê çeteyên DAÎŞ hêrîşê Kobanê kena, wexto ke hêrîşê DAÎŞ zaf giranbi, hemberê Kobanê, Rojava û şarê kurd dişmenî kerdênê. 

Nika YPG-YPJ û Pêşmergeyan zereyê Bajarê Kobanê de serkewtişê xo beyan kerd, AKP zî ziwanê xo bedilna.

AKP, hina qiseykena ke, sey aye verba DAÎŞ şerkerdo, wazena atmosferek hina virazo. 

La pêronê dinya bi çimanê xo dî ke, AKP seyî çeteyên DAÎŞ’ê T.C şirawitêne ser Kobanê.

Şarê Kurd, dişmenîyê AKD dî, werişti pay.

 6-7-8-9 Cotmeha 2014 de seba  Kobanê serewedaritiş kerd. 40 kes zêdeyîr kurdê welatparêzî pê gulê û hêrîşê AKP, Hîzbulkontra înan şehît kewtî.

Pê Serhildanê Kobanê tayî mend ke hukumata AKP bikewro. AKP’yeyî şîyê Serokê Şarê Kurd Abdullah Ocalanê ra lawê kerd.  Va, wa  Serhildanê Kobanê bivindero.

Tebere Kurdîstanê de zî  şarê kurd şew û roj bê hewn bi. Ser lingan bi. 

1 Mijdara 2014 de çar qirnê dinya de seba Kobanê meş û serhildan bîyê.

Şervanên YPG û YPJ nê meş û serhildanan ra hêz girewt. Xoverdayîşê hîna pêt raverberd. Roj bi roj, saet bi saet, deqîqe bi deqîqe, kuçe bi kuçe, keye bi keye têkoşîn kerd. Şer kerd. Gonî da, can da.

Birîndar bî. Vêşan û têşanî mendî. Serd û şewat de mendî. 

Yewî zî nêva ax û wax. Dindanê xo şêdîna. Xover da û xover da.

Sey gît şîyê ser çeteyên DAÎŞ’ê T.C. 

Arîn Mîrkan ardê xo vîr, Dîyar Bagok ardê xo vîr.  Pêronê şehîdanê Kobanê ardê xo vîr. 

Pê her vîrardişê şehîdan zêdeyîr tûj bîyê, zêdeyîr ruhê qesasgirewtişê vejîya werti.

Piro da û piro da, çeteyên DAÎŞ ‘ê T.C zereyê bajarê Kobanê ra qewirna.

Ewro herkes sey roşanêk serkewtişê, serkewtişê şervanên YPG-YPJ pîroz keno.

Çar parçe Kurdistanê şad beno û govend kaykeno.

No serkewtiş verênîyê heme çîyan de, pê can, gonî û xofedakerdişê şehîdanê Kobanê bîyo.

Gera pêronê cîhan na rastî bivîno.

La rastîyêk bîn zî esta, a rastî zî AKP û çeteyên DAÎŞ’ê Kobanê de bin kewtî.

YPG-YPJ, Pêşmerge, Furkan El Firat û Şarê Kurd serkewtî.