Şerwanê ciwan hêdî hêdî di rûpelê dîrokî de cayê xo gênî. Vatişê; ‘hetanê peynîya tewr gonî xo...’ yena vîra min. Çend ray di ceperî de şerwanan gêrena. Çimkî moralê înan tena berz o û tena înan di nê rojê krîtîk de min danê huyayiş.
Di mîyanê yew aşmê de keseke qesabayê înan veşayo, ez zî înan ra yo. Ez wazena di zereyê xo de çi esto se a pay bikera. Senî vîyart no yew aşm?
Çimkî moralê înan tena berz o
Xemgîn bîya, ona xemgîn bîya ke, sekî di dîrok de keseke yewin dejê onta ez a. Sareyê min hema zî ser wicûdê min de yo se zî, di zereyê de bîyîşê mezgê, no mezgê şuxulnayiş ser ez xemgîn bîya. Ez waşta ke nê şerwanê nê, parçayê min tel bi tel biheriko! Êdî ke nê domanê weş ra çik nêbo.
Ez vinderta, hem zî çi vindertiş! Ez qanaet arda ke werdiş û rakewtiş lazim nîyê, bi nê hîşyarê vinderta. Ez şerm kerda, hem zî çi şermkerdiş; na bi şermî daxî ez vata ez qebul nêkena û no ser fikrîyaya. Zey muamela keseke sûcdar kerda xo!
Yew het ra zî weşo ke nêxebityeno
Di destê min de kareke firaz est bi la ez şîya vinderta. Deja dergbîyîşê hetanê nika ez her tim onta la seke no rewş dûr yew çik o. Ez nêşkena bida famkerdiş, verekna ez mezgê xo bidaynê xebitnayiş (Çi bikero seke, yew het ra zî weşo ke nêxebityeno) zereyê xo ra vîyarnena.
Di emrê min de tewr hetê de qet qehreman û cesaretê înan ser gamar nêanena, çimkî verba çeteyan bi rûmetê xo têkoşîn danê. Tam di no noqteyê de ez persena; ez koca cuyayişê de ya, monologan domyenê, şonê.
Duayan seba şima yê
Zatî di dorûverê min de her kes zey min o. Çimê înan ra ewnîyayiş bes o. Ma heme di quncikê xo de zereyê xo ra xo oncenê.
Ez bi duayê; ya xizir, ya duzgun bawa.! Ti bi rûmet pawitoxê ciwanê şerwanê bi! Çew ra nêçare nêmojna. Embazê min zî; xwedeo xwedeo tu dil rehmî, hemberî wan neyaran cengaveren me bi sitirnê!
Xoverodayiş berz bena
Wehşetîya nê çeteyan tena fîzîkî xelasbîyîş, cenîya êzidî Zîlan. Hîna 16 serra ya la di emrê xo de her tim dej veyneya; bi duayê ‘ya Tause Melek, ya Lalîşa Nuranî tu şervanen Kurdistanê bi pareze’
Ez bawera ke hîna zaf ziwan û bawerî ra merdiş zey nê duayan. Verba çeteyê DAIŞê her ke şona di Kobanê de xoverodayiş berz bena. Ez nêzana çend roj di verba TV û Net de vîyarnaya la zaf derg bi ez a zanena.
Ez zereyê yew tezatî de yo! yew het ra ez zey vîyartişê dem xo hîs kena yew het ra zî û vana; ‘çi bi no demî ra vîyarta ke, zanayişê xo vînkerda, nêherikyena.’
Ez dayikê xo ra soz daya
Şerwanê ciwan hêdî hêdî di rûpelê dîrokî de cayê xo gênî. Vatişê ‘Hetanê peynîya tewr gonê xo...’ yena vîra min. Çend ray di ceperî de şerwanan gêrena. Çimkî moralê înan tena berz o û tena înan di nê rojê krîtîk min danê huyayişê.
Şerwan Tekoşer vana ke ez dayikê xo ra soz daya, peynîya xelasbîyîşê Kobanê do ez bizevîja. Ti do veyweyê min ra bêra. No demê di qiraka min de çik manena û ez nêşkena veng bivejna û vana ke tesilî ez do bêra.
Di mîyanê xo de henek kenî û huyenî. Ma ra zî tikey şenik veynenê, çimkî ma rojnamegerî ya. Taybetê Nalîn Dîcle vana ke; ‘ti her ca şona qey ti noca nîna?’ Zereyê Nalîn a wena. Ez zî no ser zî di dinyayê de bêedeletî ra lanet varnena.
Peynî çend ra ez hewna şerwanan reyde qise kena û peynî zî xoverodayişê 3 hewta peynîya xo de veradona. Edî destê min telefon ra nêşona. Şerm kêna bigêra, tena sewbî kesan ra rewşê bander bena.
Hema zî bi omîd benda ya...
Peynî zî nameyê Arîn Mîrxan dinya hesîyena, hîna dem nêvîyerena a rind huyayişê Arîn di televîzyonan de yena pêşkêş kerdiş. Ez qerqezîyena, di zereyê min de çirrtan coşenê û vîra min ra pîl şorişger Zîlan yena.
No dem bêveng bena. Yew çik min tersnena, ‘ya heme şerwanê çalakîya fedaî bikerê’ tabî ke heme şerwanan seba fedaîtî noca yê la hewna zî nêfikrîyeyayişê nêweçinena, zey xo xapenayişê...
Peynî şar serehewenena...
Bê mîyan dirûşmeyê ‘Kobanê tena nîyo, Kobanê zerrê ma ya’ qîrenê û heme ardvînayê kurdan xo agêrena warê serehewanayişê... Dema ke xoverodayiş komeleyê bena no demî her kes ra gan yena...
Gan yena ma ra, zey zîl dayişê...
Omidê ma pîl bena...
Mîlyonan Kobanê benê...
Her kes waran ra herikyena...
Hewna kurdan qetilkarî ya dewlet ra şaş nêmanenê, dewlet zey mîsalê vana; ‘Ma kurd ê ke serehewana do ma sareyê kurd bipelçiqnê’... la nê vatişê dewlet welatijan nêtersnena û no ser zî wehşetî ya dewlet hîna gird bena. Bi destan ciwanê kurd û peynîya qehremanan çimê xo dinyayê ra padanê.
Hewna merdiş kurd veynena!
No merdiş tena qey kurd ra rind a!
Di demê verên de belkî zaliman bi tersayişê merd, kurdan tersnaynê la kurd xo ra çi rind bena veyna bi; XOVERODAYIŞ! No ser zî kaykerdişê înan xirap bi. Bi mîlyonan seba Kobanê herikyay û hêz day, mîlyonan qehremantîya şerwanê xo ra hêz girewt.
No ser ma nika di Kobanê de weş xeberan gênî, eke ma her tim ona yew bibê se do ma her tim qezenc bikerê û xeberê weş do Kobanê ra bêro la no ra xeberê SERFIRAZÊ do Kobanê ra bêro.
BÎRCAN YILDIZ