Vizêr ne bêtir pêr, dewleta Tirk serxetê dewanê Kobanê de mayîn rakerdî yanî wederatî.

Na kayê dewleta Tirk dima ra, vizêr ne perê zî çeteyan,zerrê bajarê Kobanê de ver bane Heyva Sor a Kurdîstanê de, yew tankera bombakerdî teqna.
Heta nika 14 kesî merdî, 24 kesî zî birîndar bîyê.
Ereb û Kurd pîya, 5 qij(tut,doman) ameyê kiştiş. Ciwan ameyê kiştiş.
Qij birîndar bîyê. Cinî birîndar bîyê. Dayî û baw birîndar bîyê.
Dîmen estî û yew ewneno, yew nêeşkeno bi ewno.
Tirmê qijan bîyo komir.
Bedenê înan veşeyo.
Hîşê însan vindeno û cîger veşeno.
No çi wehşeto?
No çîyo?
La hetê bîn ra tayî TV estî vanî, “Ma Kurdî”, wexto ke xeberan virazenî tam dişmenîyê Kirdan kenî.
Nê televîzyon û ajans ayê PDK’yê. Name înan Rûdaw TV’yo. Zagros TV’yo. Ajansa Rûdawo. Rojmanê Rûdawo.
Wayîrê Medyayê Rûdaw, Nêçîrvan Barzanî û Fetullah Gulenê. No seyî şîrikîya? No seyî dişmenîya?
Çeteyan ver bane Heyva Sor tankera bombakerdî teqnawo.
Rûdaw TV vano, “Ver bane YPG û Heyva Sor tekqnayîş bîya. Zaf YPG’yî ameyê kiştiş û birîndar bîyê”.
Spîkerê Rûdaw TV hina xeber pêşkeş kerd. Dima ra muxabîrê Kobanê tevbîyayîşê xeberan kerd. Eyê pirs kerd va,”Çend hew şervanê YPG’yî ameyê kiştiş”. Muxabîr va, “Teqnayîş ver bane YPG nêbîyo. Ver bane Heyva Sor bîyo. Aye ke, ameye kiştiş pêronê înan qijê dibistanî û ciwanî, sivîlî”.
Wexto ke, mi no xeberê Rûdaw TV û spîkerê Rûdaw TV seyr kerd.
Ez cayê xo de cemidîya.
Dima ra hêrs bîya.
Mi yeqînî kerd ke, eleqê PDK û wayîrê Rûdaw TV yê ke zê Kurd yenî şinasnayîş eleqê înan û şarê Kurd çîna.
Hîzmetê dewletê Tirk û çeteyan kenî.
Seba xeberê ser teqnayîşê Kobanê ez hezar hew Rûdaw TV lanet kena. Lanet kena.Lanet kena.
Ey bê vîjdanê. Ey bê vîjdanê. Nika şima zî însanê?