DANA OMER / ROJNEWS/SILÊMANÎ
Rojnamegerê Başûrê Kurdistanî derheqê Serrgêra 19. ya destpêkerdişê Komploya Mîyanneteweyî ke vera Rayberê Şarê Kurdî Abdullah Ocalanî de de qisey kerdî.
Rojnameger Hevjîn Xerîbî wina va: “Komploya ke hetê hêzê serdestan ra ameye viraştiş, nêresaye hedefê xo. Hêzê serdestî nêşînayî vernîya averşîyayîşê doza kurdî bigîrî. Tam çepê ci de kurdî aver şîyî. Vakurê Kurdistanî de xebatê şarî aver şîyî û Rojawanê Kurdistanî de xebatê leşkerî û şarî aver şîyî. Ocalanî çend çimeyê bihêzî nuştî û ê zî destekêko gird da tevger. Nika vera Ocalanî de vindetişê dewlete bedilîyayo û no zî zirar dano tirk û kurdan.”
Şorişgerêko rayîrê azadîye de seba heqê şarê kurdî hewl da
Rojnamegere Peryan Ehmede zî va ‘xebata Rayber Apoyî bîye bingeyê şorişo newe’ û wina dewam kerde: “Hêzê serdestî yê cîhanî şorişî xo rê tehluke dîyî û xora çend reyan hewl daybî hêrişê Ocalanî bikerî. Tewr peynî endamê NATO seba ke Ocalan bitepişo kewtbî mîyanê hewldayîşan. Tepişîyayîşê Rayber Apoyî seba heme hêzê ke mîyanê komploye de ca girewtî, babeta şermî bîye. Çimkî Rayber Apoyî sey şorişgerêkî her tim rayîrê azadîye de seba qezençkerdişê heqê şarê kurdî hewl da.”
Kompla ne sifteyîn bîye ne zî ya peynî
Rojnameger Nebez Mihemedî zî va ‘na komplo ya sifteyîne nêbî û ya peynî zî nêbî’ û wina domna: “Na komplo hetê çend dewletanê dinya ra ameye viraştiş. Netîceyê komploye de Ocalan ame tepiştiş labelê hetê pêroyî de komplo nêresaye hedefê xo. Zîndan de tesîrê Ocalanî hîna zêde bî û doza kurdî aver şîye.”