Şaredariya Bajarê Mezin a Wanê piştgiriyê dike bi Atolyaya Hunera Destan û ew jî binesaziya kooperatîfvaniya herêmê pêk tîne. Atolye li taxên Suphan, Xaçort, Bostanîçî, Yenî Mahalle û Yalîm Erez hatine vekirin û li wan atolyeyan mefur û ferfûr tên çêkirin. Piraniya jinên kedkar yên kû li dezgehan dixebitin di salên 90’î de gund û warên wan hatine şewitandin. Bi giştî hêjmara jinên di hilberînê de cîh digirin 130 e. Jinên ku ji derveyî hilberînê, bi sedemên cûda nekarîne perwerdeya xwe biqedînin jî di atolyeyan de derfeta xwendinê dibînin û derfetên xwendina zanîngehê jî peyda dibin. Ligel vê yêkê di atolyeyan de jin bi alîkariya mamosteyên ziman hînî zimanê dayikê dibin. Atolyeya hunerê ya ku ev 10 sal in di bin banê Mavîkent A.Ş. de hate avakirin û ji roja hate avakirin heta niha hilberîna hingiv, berik û ferfûran dike; erdheja sala 2011'an  bandor lê kiribe jî hêj hilberînê dike.


‘Jin berhemên xwe pêşkêşî bazarê dikin'
Piştî erdehejê atolye bi alîkariya Şaredariya Bajarê Mezin û sazî û dezgehên cuda ev 3 sal in di malên prefabrîk de xebatên xwe dimeşînin û ji ber nebûna derfeta li qadên cuda hilberîn pêk nayê. Ji avakarên atolyeyê Enver Kahramanoglu ji ber ku berhemên xwe nikarin li bazarê bifiroşin bi qazinc e. Ew dibîje, ji ber ku li herêmê bazara xwe ava nekirine, nikarin bi berhemên ji Îran, Efxanistan û Çînê tê reqabetê bikin. Kahramanoglu, anî ziman ku hemû derdê wan hilberîn nîne, armanca wan ew e ku jinên di dema şer de trawmatîk bûn tevlî jiyana civakî bikin û wiha got: "hinî ji destê me tê em jinên temenê wan biçûk bi vê yêkê ber bi çanda hilberînê ve beralî dikin."
Hunerên destan ên bi rêbaza kooperatîfê li herêmê belav dibe ji jinan re hem derfetên kar û hem jî derfetên xwendinê diafirîne û wan tevlî hilberînê dike. Endamê Lijneya Rêveberiya Mavîkent A.Ş. Cuma Koyluoglu got, ji bo jinên herêmê azadiya xwe ya aborî bi dest bixin hêmana piştevanî û rê vekirinê ne. Koyluoglu îşaret bi wê yekê kir ku jinan ew fersend afirand ku berhemên xwe bi destê xwe pêşkêşî bazarê bikin. Koyluoglu, da zanîn ku armanca wan ew e ku jinên di şerê 35 salan de zirar li wan bûyî, baş bikin, wan tevlî pêvaoya hilberandinê bikin û ew weke Mavîkent A.Ş. li riyên vê yêkê digerin.

DIHA/WAN