Ame tesbîtkerdiş ke Hepisxaneyê Tîpa L yê Dîlokî de koxişê cenîyan bi kamerayan yenî şopnayiş. Bi serpirodayişê malbatan ê ÎHDî no hedîse ame musayiş. Rayberîya hepisxaneyî aşkera kerd ke şopnayişê koxişan çarçiweya proje yo.
Hepsîyê cenîye demo ke malbatê xo de pêvînayiş kerdî, malbatanê xo ra vatî ke taybetî qardîyanê cenîye înan ra tade û zilm kenê. No îxlalê heqan ser o serpiro Şaxa Dîlokî yê ÎHDî kerdê. Serpirodayiş de ame vatiş ke cayê 6 kesî de 11 kesî manenê û bi kamerayan koxişê înan yeno şopnayiş. Demo ke ê rayberîya hepisxaneyî ra hedîseyê ser o serpirodayî, rayberîya hepisxaneyî înan ra gefa cezaya hucreyî wenda. Qardîyan her tim înan ra heqeret û hêriş kenê.
Demo ke rayberê ÎHDî rayberî hepisxaneyî de pêvînayiş kerdê, rayberîya hepisxaneyî zî înan ra şopnayişê koxişan çarçiweya proje yeno kerdiş beyan kerda. Rayberê ÎHDÎ aşkera kerdî ke ê do her tim şopkarê îxlalê bêhuquqîye bibê.
JINNEWS/DÎLOK