Malbata Gurkan ke Mezrika Darahênî Xîzginos de ciwîyena weşîya koyî ra fek nêverdana. Malbata ke dewa ci 1994î de hetê dewlet amê vêşnayen, 2004î de reyna peyser ageyray dewa xo. Debarê malbata ke 11 kesîya tenya wayerîya heywanan o. Malbata ke 50 bizê ci estê her roj seat 05.00ê şodir de werzenê û destbi kar kenê.
Karê tewr zehmet yê cenîyan o
Na dewe de camêrdî şîwantî kenê. Karê doşayişê çarweyan, pê meşk viraştişê do, şiwitişê firaqan, pewjnayişê şamî, pakkerdişê keye cenîyan rê maneno. Vengê meşka ke çermê bizan ra virazîyeno koyan de veng dano û pê awa çemî ra beno jû.
Xanim Gurkan dana zonayene ke rixmê pêrokîn zehmetîyan a ciwîyayişê dewî ra hes kena û bi şa ya. Gurkan aşkere kena ke her roc di reyî heywanan doşenê û enê detayan dana: “Şit o ke ma doşenê sifte pewjenê û peycoy kenê maye û mast virazenê. Semedo ke mastê ma serd bibo ma dekenê hawiza ke ma ver keye de viraşta mîyan. Dima ra semedê viraştişê do û ronî ma mastî dekenê meşkî û 2-3 seatî çelqkenê. Peycoy doyê xo pewjnenê û kenê toraq. Dima ra zî toraqê xo solin kenê û semedê payizî dekenê tenekeyan û awa koyî de ternenê.”
Pîyasa de kîloyekê toraqê bizan 11 TL , ê ronî zî 30 TL yo.
Bin ablûqe de vengê meşkan?
Xanim Gurkan aşkere kena ke verîya coy meşka bi elektronîk girotîya la pê qayil nêmenda û va tamê meşka elektronîk weş nîyo, yê do û toraqî xerab o. Gurkan vist vîrî ke kişta tamê ci yê weş, meşka çermî yew kiltûr o û hayr ant rixmê pêrokîn zehmetîyan ramiten û wayîrvejyayişê kiltûrê meşkî ser.
Gurkan rîwalê ardişê ci yê jêde hayr ant wayîrkerdişê bizan ser û va: “Goşt, şit û mastê bizan hona vêşêr bi tam o. La wayîrkerdişê ci zaf zehmet o.” Gurkan hayr ant qedexeyê vejyayişê teber dewanê Amed û Çewlig ser û da zonayen ke ê semedê operasyonanê lejkerî û talokeyê reyna veşnayişê dewan ra pê şik û gûmanî yê.
DÎHA/ÇEWLIG