Tirkîya de vaya Euro û Dolarî vejîyayo duştêko tewr berz û hêzê herînayîşî yê welatîyan de kêmîbîyayîşêko gird esto. Vaya xeylê çîyan de zêdebîyayîşêko muazam esto û vera ci de sînorê vêşanî xeylê hîra bîyo.
Endama Meclîsê Seba Demokrasî Yewîye (DÎB) û Parlamentera Kehene ya CHPyî Melda Onure derheqê krîzê ekonomîkî û tesîrê ci yê ser cinîyan de qisey kerde.
Onure va ‘çîyo tewr giran o yo ke merdimê ke Dolar û Euroyê înan estî, bi terorîzmî yenî sucdarkerdiş’ û qiseykerdişê xo wina domnaye: “Ez beşdarê kombîyayîşo ke qerarê 7 û 8ê hezîrane yê Turgut Ozalî girewtbî zî bîbîya. Nika kesê ke xo sey mîrasdarê Ozalî vînenî, ameyî nuqtaya ke Ozalî ra zaf apey de yî.”
OHAL beno sebeb
Onure va ‘qanûn û raştkerdişê ke AKPyî 14 serran de kerd, bîyî sebeb ke welat de kapîtalîzm û sîstemê sermaye awan bibo’ û wina vist vîrî ke AKP nika ra pey do huqûq zî nas nêkero.”
Ewil cinî bêkar manenê
Onure va ‘eke ewro Amerîka dolaranê xo pîyasa ra bianca, o wext dolar xora berz beno’ û wina qedêna: “Îqtîdar hewl dano bi vatişê ‘wazenî ma birijnî’ na raştî binimno. Krîzê ekonomîk ewil cinîyan ser de tesîr keno û sifteyîn cinîyî bêkar manenî. Cayanê bejayîyan de cinî bi ekonomîya xo, xo lingan ser de tepişena, eke şima mudaxaleyê nê cayan bikerî, o wext ekonomîya şenike ya cinîye zî orte ra wedarîyena.”
STENBOL