Di vê krîza koronayê de medyaya civakî ji carê bêhtir çalak e. Gelek kes û kom weşanên zindî li ser platformên dîjîtal ên weke Instagram, Youtube, Facebook û yên din dikin, twitter jî ji carê çalaktir e. Ev yek ji bo Kurdan jî lê ye.
Weke nimûne, gava em berê xwe didinê ku Kovara Ziryab di vê demê de dest bi bernameyên taybet kiriye. Ya pêşî 11’ê Nîsanê bû. Moderatorê bernameyê Harûn Elkî, Dr. Ahmet Kaya saet 22’yan (li gorî saeta Kurdistanê) kir mêvan. Bernameya taybet a diduyê îro ye û moderatorê wê Yûnis Das Kalê Badî îro saet 22’yan dike mêvan. Navê van bernameyan jî Şevbuhêrkên Koronayê yên Kovara Ziryabê ne; hesabên kovarê
(@KovaraZiryab) agahiyen li ser bernameyan diweşînin.
Kanalên Youtubê jî vê pêlê çalaktir dibin. Meseleya kanala Hestû TV vê pêlê bernameyeke nû çêdike bi navê Şildim Bildim; kesê bernameyê çê dike reklama xwe jî amade kiriye. Pêşkêşvan xwe weke Rewşenbîr Zanan dide nasîn û dibêje, ew ê her hefte behsa mijarên rojane bike, di awayê pêşkêşvaniyê û montajê de qerfîbûn xwe dide der. De ya xêrê ka ev korona wê hîna çi bernameyan çêke.
NAVENDA NÛÇEYAN 
