Tesîrê krîzê ekonomî xo Fuarê Îzmîrî yê 22. yê TUYAPî de nîşan da. Fuar 22ê nîsane de abî û heta 30ê nîsane do dewam bikero. Weşanxaneyê ke beşdarê fuarî bîyî, kêmîbîyayîşê herînayîş û polîtîkayê xiraban ra gerrekar î. Babete ser o wayîrê Weşanxaneyê Otekî Vedat Elîçerî, wayîrê Weşanxaneyê Çinarî Aydin Ilgaz, wayîrê Weşanxaneyê Ava Ronî War û xebatkarê Weşanxaneyê Aramî Ferzende Taşanî qisey kerdî.
Elîçerîyî qiseykerdişê xo de 12 êlule û rewşa nikayîn muqayese kerd û va: “Hêrişêko îdeolojîk esto. Populerî bîyo sey kulturêk û komelbîyayîş qedîyayo. Verê fuaran de mantixê tîcaretî çinêbî, la nika esto.”
Hedefê faşîzmî kitab î
Ilgazî va ‘îqtîdar her ke hêriş keno, eleqe hîna zêde beno’ û wina dewam kerd: “Krîzê ekonomî nê krîzê sîyasî ma ser de tesîr viraşt. Faşîzm her wext kitaban hedef gêno. Werê seba kulturî kîtab ameyênê rotiş, la nika her çî bîyo tîcaret. Warî zî va ‘hetê sîyasî tesîrê xo ma ser de kerd’ û wina domna: “Seba ke xeylê weşanxane, rojname û TVyê kurdî ameyî padayîş. Sebebê krîzê ekonomî sîyaset bi xo yo.”
Taşanî zî va, “Tirkîya de krîzêko cîddî esto. Weşanxaneyê kurdî hem krîzî ra û hem zî hêrişanê sîyasî ra para xo gênî. Bi desan kitabê ma ameyî qedexekerdiş.”
DÎHABER/ÎZMÎR