Hema zî Girawa Îmralî de û Qandîl de pêvînayîşê çareserî dewam keno. La çi heyfo ke heyana ewro nê pêvînayîşê çareserî ra bi hetê hukûmatê AKP ra yew netîce nêvejîya yo û ana aseno ke vejîyayîşê netîcî zî tikê zor o. Bi encax heyana ewro bi tena rayîrê yew dîplomasî abîyo û hema zî dewam keno. Bawerîya ma nê rengê dîplomasîya pêvînayîşê çareserî nê çen hewtan mîyanî de dîyar bo. Hema hema raya umûmîyeyê pêroyina şarê kurd û tirkan ra zî hînê no warî de yew bawerîya AKP nêkenê. Yew hetî ra zî hukûmatê AKP hînê mecbûro ke nê pêvînayîşê çareserî çareser bikero. Çimkî hînê sewbîna weçînite zî nêmendo.
Hukûmatê AKP hînê nê saeti ra pey zî nêeşkeno ke no hewa yew şerê taybetî û qirêjî dewam bikero. Hem dinya de û hem zî Rojheletê Mîyanênî de heme hewa ra îbre bi hetê kurdan ra tadîyeno. Serkewtişê Kobanî û Şengalî dinyayî de Tevgera Kurd ra yew pirejtîjo gird qezenc kerd. No qezenckerdişê pirestîjî zî her roj tikêna vêşî beno û gulbang dano. Yew hetira ra zî PKK dinyayî de vetişê lîsteyê terorî ra hînê yeno qalîkerdiş.
No qalîkerdiş zî gama pratîkî de yew hetî a ameya ca. Çimkî no warî de zafî dewletê Ewropa û DYA qismî zî bo paştî û destek da xoverodayîşê destanê camêrdeyî ya Kobanî. No warî de heme kes zî zano ke PYD û HPG nameyê în cîyabo se zî virdî zî eynîyê û eynî bîrdozî û paradigma pawenê. No sebeb ra yo ke Tirkîya xerîç hema hema zafî dewletê Ewropa eynî wextî de zî paştî û destek da HPG.
Hînê enkay ra pey zî PKK dinyayî de hîdê hîdê lîsteyê terorî vejîyena. Hînê no hewa aseno ke Rojhelatê Mîyanênî de pergala Modernîteya Demokratîkî hîdê hîdê roşena û pergala netew dewletî îflas kena. Çimkî Rojhelatê Mîyanênî de hemberê pergala Modernîteyê Kapîtalîstî ra pergala Modernîteya Demokratîkî hêvîya û dermanê heme şaran a. Rojhelato Mîyanênî de bi hezar serrî yo ke wehşîyeya howanî dewam kena û hema zî nê wehşetaya howanî dewam kena.
No sebeb ra yo ke Xoserîya Kobanî hêvîya heme şaranê Rojhelatê Mîyanênî ya. Çimkî pergala Xoserîya Demokratîkî bindestîya heme şaran temsil kena. Bi raya raştî ra demokrasîya şaran şuxulnena û dana şuxulnayîş. No sebeb ra zî Kobanî nînikê heme şaranê Rojhelatê Mîyanênî ya. Ayê sebeb rayo ke Kobanî de hinde cengê cengaweran virazîyayê.Çimkî Kobanî de cengê şerê azadîya destanê camêrdîya merdimayî virazîyay. Kobanî de nê destanê camêrdeyî ra heme miletan ra şarî yewbîyêşê xoverdayîşê şorişîya têkoşîne day. Û nê yewbîyîşê xoverodayîşê şorişîya Kobanî esil newe destpê kena.
Kobanî Rojhelatê Mîyanênî de bi nimûneyî ra yew heremê pîlotî temsil kena. No sebeb ra yo ke kurdî hînê ravêreyî ya dîrokî ra ravêrîyenê. Bi yewin ra destpêya pêvînayîşê ravêreyî ya çareserî. Dîyine zî serkewtişê Kobanî û Şengalî. Hîrine zî destpêya kampanya ya Azadîya Rayver Apoyî. Çarine zî weçînayîşê pêroyine. Nê heme mijarê heme muhîmî û dîrokî yê.
Tirkîya no warî de wazena ke wa qebûl bikero û nazî wa qebûl nêkero. No warî de Tevgera Azadîya Kurd rayirê nexşê xo dîyar kerdo û no warî de rayirê nê nexşî de xoverodayîşê têkoşîna xo berz kena.
Enkay ra pey şîarê heme kurdan heremê Kurdistanî de destanê xoverodayîşê camêrdeyî ya Kobanî yê newan a. Hînê heme çar perçeyanê Kurdistanî de destpêya Kobanî yê newan xeyal nîyo raştî ya. No weçînayîşê pêroyinî ra dime şarê kurd bi game de game xoserîya xo virazeno û dano înşa kerdiş. No sebeb ra yo ke qabê kurdan ra no weçînayîşê pêroyinî seba kurdan ra ravêreyî ya dîrokî ya. Ganî enkay ra her kurd nê ravêreyî ya dîrokî de rolê mîsyonê xo bi rewşa seferberi ra kay bikero. Serkewtişê heme çar perçeyanê kurdan nêzdî yo.