Paytextê Fransa Parîs de serrgêra qirkerdi7şo ke hîrê cinîyê Kurdî yê şorişgêrî ameybî hedefgirewtene de bi hezaran kesî ameyî têhet.
Kurdî û dostê înan saetanê rewî yê sibayî de çar hetanê Ewropa ra kewtî rayîr û resayî Parîs. Cayê pêserameyîşî Gare du Nord, eynî wextî de nezdiyê kuçeyê “La Fayette” de yo ke qirkerdiş şeş serrî verî ûca amebi kerdene.
Nûmayişkarê ke fotografanê awankerdoxanê PKKyî ra Sakîne Cansize, temsîlkara KNKyî ya Parîsî Fîdan Dogane û endama hereketê ciwanîye Leyla Şaylemeze kirişnayî her game de slogananê protestokerdişê dewleta Tirkî erzayî. Çalakîya emserî rê bi desan komeleyanê cinîyan ê Fransayîyijan zî paştî daye. Teberê înan de sere de Partîya Komunîste û organîzasyonê çepî yê Fransa, organîzasyonê Tirkîyayijî zî bi tewrbîyayîşê xo paştîdayîşê xo ramojnayî.
PARÎS